നിയോഗം 2 Dark World (മാലാഖയുടെ കാമുകൻ) 1522

മൊണാലിസ പറഞ്ഞു നിർത്തി..ആ വീഡിയോ കൂടി റാണയെ കാണിച്ചു.

“അപ്പൊ ക്ലിയർ കേസ് അല്ലേ? അർജുന്റെ ഒപ്പം രഹസ്യ ബന്ധം ഉണ്ടായിരുന്ന സഞ്ജന അവർ കണ്ടു എന്ന് മനസിലാക്കിയപ്പോൾ രണ്ടു പേരെയും കൊന്നു.. ആയുധം മാത്രം കണ്ടെടുത്താൽ പോരെ?? എന്തിനു അർജുനെ കൊന്നു എന്ന് അവളെ ചോദ്യം ചെയ്താൽ പറയുമല്ലോ?”

റാണ ഇരുവരെയും നോക്കി..

“സാർ.. രണ്ടാമത്തെ വീഡിയോ ഒന്ന് കണ്ടു നോക്കൂ….”

മൊണാലിസ പറഞ്ഞപ്പോൾ അയാൾ അത് പ്ലേയ് ചെയ്തു..

രാവിലെ 8:10 റെയിൽവേ സ്റ്റേഷനിൽ സ്കൂട്ടി പാർക്ക് ചെയ്തു സ്റ്റേഷനിലേക്ക് കയറി പോകുന്ന സഞ്ജന..
പിന്നെ കാണിക്കുന്നത് സഞ്ജന എക്സാം ഹാളിൽ നിൽക്കുന്നത് ആണ്..

10 മണി തൊട്ടു 1 മണി വരെ അവൾ എക്സാം ഹാളിൽ ഉണ്ട്‌..
അതിനു ശേഷം 2 മണി മുതൽ 5 മണി വരെ അതെ എക്സാം ഹാളിൽ അവൾ ഉണ്ട്‌..

7:15 ആയപ്പോൾ വേറെ ഒരു പെണ്ണിന്റെ ഒപ്പം അവൾ തിരിച്ചു എറണാകുളം റെയിൽവേ സ്റ്റേഷനിൽ എത്തി സ്കൂട്ടി പാർക്ക് ചെയ്ത അവിടെ ചുറ്റിനും നോക്കുന്നുണ്ട്.. സ്കൂട്ടി കാണുന്നില്ല.. അവർ നേരെ സ്റ്റേഷനിലേക്ക് പോകുന്നു.

നാല്പതു മിനുട് ഏകദേശം ആയപ്പോൾ സഞ്ജന ഒരു ടാക്സിയിൽ കയറുന്നു.. ഒപ്പം നേരത്തെ കണ്ട പെണ്ണും ഉണ്ട്‌..

ഈ വീഡിയോ കണ്ടതിൽ നിന്നൊക്കെ രണ്ടു സഞ്ജന ഉണ്ടെന്നു വ്യക്തം ആണ്..

റാണ ആകെ കൺഫ്യൂഷൻ ആയി.. അയാൾ കുറച്ചു വെള്ളം എടുത്തു കുടിച്ചു.

“സർ.. സഞ്ജന അവളുടെ സ്കൂട്ടർ കാണാതെ ഇരുന്നപ്പോൾ പരാതി കൊടുത്തിട്ടുണ്ട്.. അവൾ മുഴുവൻ സമയവും കോട്ടയം ആയിരുന്നു എന്നതിനു സാക്ഷികളും ഉണ്ട്.. പിന്നെ അവൾ വീട്ടിൽ എത്തിയപ്പോൾ 8 മണി കഴിഞ്ഞു. ടാക്സിയിൽ ആണ് വന്നത്.. വന്നപ്പോൾ അവളുടെ സ്കൂട്ടി വീടിനു മുൻപിൽ ഉണ്ടായിരുന്നു.. ഡോർ തുറന്നു കിടക്കുകയായിരുന്നു..
അകത്തു കയറി മുകളിൽ എത്തിയ സഞ്ജന ജോൺ മരിച്ചു കിടക്കുന്നതാണ് കണ്ടത്… “

മൊണാലിസ പറഞ്ഞു നിർത്തി.. റാണാ തല ചൊറിഞ്ഞു..

“അവൾക്ക് ട്വിൻസ് ഉണ്ടോ? ഈ സഞ്ജനക്ക്..?”

“നോ.. അവരുടെ അറിവിൽ ഇല്ല.. “

ലിനു ആണ് പറഞ്ഞത്..

“അവൾ പോയ കാറിന്റെ നമ്പർ? “

മൊണാലിസ ലിനുവിനെ ഒന്ന് നോക്കി.. അതിനു ശേഷം റാണയെ നോക്കി..

“സർ… ഇറ്റ്സ്‌ 666 ബ്ലാക്ക് കളർ പോർഷെ പനാമേറ…”

അത് കേട്ടപ്പോൾ റാണ ഒന്ന് ഞെട്ടി…. പണ്ട് മെറിൻ ഇതൊക്കെ പറഞ്ഞപ്പോൾ അയാൾ അവളെ പുച്ഛിച്ചിരുന്നു.. പക്ഷെ പിന്നീട് നടന്ന കൊലകൾ… ഇൻസ്‌പെക്ടർ രാജൻ വരെ കൊല്ലപ്പെട്ടു.. ഇപ്പോഴും ഒരു തെളിവും ഇല്ല..

അയാളുടെ മുഖം വിളറിയത് മൊണാലിസ കണ്ടു… അവൾ നേരിയ പുഞ്ചിരിയോടെ ലിനുവിനെ നോക്കി..

ലിനുവും പുഞ്ചിരിച്ചു..

ഇവർ രണ്ടുപേരും മനഃപൂർവം ഈ കേസ് എടുത്തതാണെന്ന് റാണക്ക് തോന്നി.

***