നിയോഗം 2 Dark World (മാലാഖയുടെ കാമുകൻ) 1521

ഞാനും മീനുവും മുഖത്തോടു മുഖം നോക്കി..

“അല്ലാ.. നീയെന്തിനാ കരയുന്നത്??”

ഞാൻ അവളുടെ കൈ വിടർത്തി…

“അന്ന്.. അന്ന് എന്തെങ്കിലും പറ്റിയിരുന്നെങ്കിൽ?? ഞാൻ.. ഏട്ടാ…”

അവൾ എന്റെ നെഞ്ചിൽ വീണു കരഞ്ഞു..

“എന്തൊരു പാവം ആണ് പെണ്ണെ നീ? ഞാൻ ഇവിടെ ഇല്ലേ? പിന്നെ എന്തിനാ കരയുന്നത്? ഞങ്ങൾ ഇല്ലേ ഒപ്പം?”

ഞാനും മീനുവും കൂടി കുറച്ചു കഷ്ടപ്പെട്ട് അവളേ ഒന്ന് സമാധാനിപ്പിച്ചു…

“അവർ ഇനിയും വന്നാലോ?”

അവസാനം അവൾ ചോദിച്ചു..

“ഏയ് ഇനി വരില്ല.. ഈ രത്‌നം. അതിനു എന്തൊക്കെയോ പ്രതേകതകൾ ഉണ്ട്‌.. പക്ഷെ സ്വന്തം കണ്ടുപിടിക്കാൻ ആണ് പറഞ്ഞത്… പക്ഷെ ഇതൊപ്പം ഉള്ളപ്പോൾ വല്ലാത്തൊരു സന്തോഷം ഉണ്ട്‌…കൂടുതൽ ഒന്നും എനിക്ക്‌ അറിയില്ല….”

ഞാൻ കൈ മലർത്തി കാണിച്ചു.. മെറിനും അത് തന്നെ ആണ് പറഞ്ഞത്.. ട്രിനിറ്റി ഇത് നന്നായി സൂക്ഷിക്കാൻ പറഞ്ഞിരുന്നു..

അർച്ചന അത് കയ്യിൽ എടുത്തപ്പോൾ അത് വെട്ടിതിളങ്ങി.

“നിന്നെ ഇഷ്ടപ്പെട്ടു എന്ന് തോന്നുന്നു…”

മീനു അവളോട് പറഞ്ഞപ്പോൾ അവൾ അതവിടെ തന്നെ വച്ചു. പേടിയോടെ..

****

ഏദെൻസ് നഗരം മൊത്തം കറങ്ങി… ഞങ്ങൾ വന്നിട്ട് ഒരു ആഴ്ച കഴിഞ്ഞു..
ഏട്ടത്തി സ്ഥിരം വിളിക്കും..
പിന്നെ ആരുടെയും കുഴപ്പങ്ങൾ ഒന്നും ഉണ്ടായില്ല.. അല്ലെങ്കിലും അവർ അന്ന് മീനുവിന്റെ രൂപം ഒക്കെ കണ്ടിട്ട് ആയിരിക്കണം അങ്ങനെ പെരുമാറിയത്..

അതെന്തായാലും അങ്ങനെ പോയി..

ഞങ്ങൾ സെന്റോറിനി ദ്വീപിലേക്ക് പോകാനുള്ള തയ്യാറെടുപ്പിൽ ആയിരുന്നു..
കപ്പൽ മാർഗം ആണ് പോകുന്നത്..

അർച്ചനയും മീനുവും കുളിച്ചു വേഷം മാറി എന്തോ കലപില കൂട്ടുന്നുണ്ട്.. ഫോട്ടോ എടുക്കുകയോ എന്തൊക്കെയോ ആണ്..

ഞാൻ കുളിച്ചു വന്നു മുടി ഉണക്കി വെളുത്ത ബനിയനും നീല ജീൻസും ഇട്ടു മുഖത്തു കുറച്ചു ക്രീം തേച്ചു.. തണുപ്പാണ്..

“റോഷൻ……!”

മീനു ആർത്തലച്ചു ഓടി വന്നു എന്റെ ദേഹത്തേക്ക് വീണു… ഞാൻ അവളെ താങ്ങി പിടിച്ചു..നിലത്തു വീണേനെ..

“എന്താ മീനൂ ഇത്? നോക്കി വന്നൂടെ?”

ഞാൻ അവളുടെ മുഖം പിടിച്ചു പൊക്കി.. മീനു കരയുകയാണ്..അർച്ചന വന്നു ഡോറിന്റെ അവിടെ നിന്നു.. കരഞ്ഞ കണ്ണുകൾ..

“എന്താ ?? എന്താ? എന്തിനാ കരയുന്നെ??”

ഞാൻ പരിഭ്രമത്തോടെ ചോദിച്ചു..

“ഇത് നോക്ക് റോഷു…”

മീനു വിങ്ങി കരഞ്ഞു കൊണ്ട് അവളുടെ ഫോൺ എനിക്ക്‌ തന്നു..

ഞാൻ അത് വാങ്ങി നോക്കിയതും ഞെട്ടി വിറച്ചു.. ഹൃദയം നിന്നു പോയത് പോലെ എനിക്ക്‌ തോന്നി.. ഒരിക്കലും സംഭവിക്കാൻ സാധ്യത ഇല്ലാത്ത ഒരു കാര്യം…

ഞാൻ അർച്ചനയെയും മീനുവിനെയും ഒന്ന് കൂടി നോക്കി… പരിഭ്രമത്തോടെ..

വീണ്ടും ഫോണിലേക്ക് കണ്ണ് തിരിച്ചു..ഒരു ന്യൂസ് ചാനൽ ആണ് സ്‌ക്രീനിൽ.
ഞാൻ അത് വിറയ്ക്കുന്ന ശരീരത്തോടെ, വിറക്കുന്ന മനസ്സോടെ, പിടക്കുന്ന ഹൃദയത്തോടെ അത് ഒന്ന് കൂടി വായിച്ചു…

“എസിപി മെറിൻ തോമസിനെ കാണാതായിട്ട് ഇന്നേക്ക് നാലാം ദിവസം…”

തുടരും..

സ്നേഹത്തോടെ.. എംകെ.