ഡെറിക് എബ്രഹാം 3 [അഹമ്മദ് ശഫീഖ് ചെറുകുന്ന്] 223

ആ പുകപടലങ്ങൾക്കിടയിൽ നിന്നും ആയുധധാരികളായ അഞ്ചാറു പേർ അനുപമയുടെ നേരേക്ക് പാഞ്ഞു വരുന്നത് കണ്ട് ചാന്ദ്നി ഞെട്ടി…ഒന്ന് ശബ്ദമുയർത്താൻ പോലും തൊണ്ട വഴങ്ങുന്നില്ല… ആകെ തരിച്ചിരിക്കുകയായിരുന്നു അവൾ….അനുപമയെ അവളത് കാണിക്കുമ്പോഴേക്കും അക്രമികൾ അടുത്തെത്തിയിരുന്നു…
എന്താണ് ചെയ്യേണ്ടതെന്ന് മനസ്സിലാകാതെ അവർ രണ്ട് പേരും പകച്ചു നിന്നു…എത്രയോ പോലീസുകാർ അവിടെയുണ്ടായിരുന്നിട്ടും പുറത്തുള്ള സ്ഥിതി വഷളായതിനാൽ അവിടെയായിരുന്നു എല്ലാവരും…മധുവങ്കിൾ പോലുമില്ലായിരുന്നു അപ്പോളവിടെ..
വേറൊരു വഴിയുമില്ലെന്നുറപ്പായതിനാൽ അവർ രണ്ട് പേരും മരണത്തെ മുന്നിൽ കണ്ടു തുടങ്ങി…. ദൈവം പോലും കൈവിട്ടു എന്ന് മനസ്സിലാക്കിയ അവർ,തങ്ങളിലേക്ക് പാഞ്ഞു വരുന്നത് മരണമാണെന്ന ബോധ്യത്തോടെ, അതിനെ വരിക്കാൻ കണ്ണുകളടച്ചു…മൂർച്ചയേറിയ കഠാരകളും വാളുകളുമായി അക്രമികൾ അവരിനരികിലേക്കെത്തിച്ചേർന്നു..

പക്ഷേ, ദൈവം അനുപമയ്ക്കൊരു കാവൽ മാലാഖയെ നിയമിച്ചത് അനുപമ പോലും മറന്നിരുന്നു…ചുമ്മാതല്ലല്ലോ, ദൈവം ഇങ്ങനെയൊരു മുതലിനെ കളക്ടറുടെ അനിയനാക്കിയത്…..കാവൽ മാലാഖയെന്നാൽ എവിടെയായാലും എങ്ങനെയായാലും എത്തേണ്ടിടത്ത് എത്തുക തന്നെ ചെയ്യും…

അനുപമയെ വെട്ടാനോങ്ങിയ അക്രമികൾ പെട്ടെന്ന് നിശ്ചലരായി..നിഴൽ, പിന്നിൽ നിന്നും മുന്നിലേക്ക് വരുന്നത് പോലെ , അനുപമയുടെ പിന്നിൽ നിന്നും അവതരിച്ചു, അവളുടെ നിഴലെന്ന് പറഞ്ഞു എപ്പോഴും കൂടെ നിൽക്കുന്നവൻ…അവളുടെ തണൽ, അവളുടെ വിശ്വാസം, ചേച്ചിയുടെ എല്ലാമെല്ലാമായ അനിയൻ….അനുവിന്റെ സ്വന്തം ആദി..

അവന്റെ സാന്നിധ്യം മനസ്സിലാക്കിയ അനുപമയുടെ ഭാവം ഭയത്തിൽ നിന്നും അഹങ്കാരമായി മാറി….. തന്റെ അഹങ്കാരമായ ഒരുവൻ കൂടെയുള്ളപ്പോൾ പിന്നെ അഹങ്കരിക്കാൻ എന്തിന് മടി…തന്റെ ആദി വന്നാൽ പിന്നെ ജീവൻ പോകുന്നത് തന്റെയല്ല….തനിക്കെതിരെ കൈയുയർത്തിയവരുടെയായിരിക്കുമെന്ന് വേറെയാരേക്കാളും