പെട്ടന്ന് നാലോ അഞ്ചോ ടൺ എങ്കിലും ഭാരമുള്ള എന്തോ വന്നു വീഴുന്ന പോലെ ഒരു ശബ്ദം ഉയർന്നു….

ഏതാനും നിശബ്ദമായ നിമിഷങ്ങൾ….

“ടക്ക്…”

“ടക്ക്…”

“ടക്ക്…”

എല്ലാവരെയും പരിഭ്രാന്തിയിൽ ആഴ്ത്തികൊണ്ടു ഒരാനയുടെ ഭാരമുള്ള എന്തോ ഒന്ന് കപ്പലിന് മുകളിലൂടെ നടക്കുന്നത് പോലെ ശബ്ദം ഉയർന്നുതുടങ്ങി….

♥️♥️♥️♥️

ഓപ്പറേഷൻ ഗ്രേറ്റ് വാൾ 2-മിസ്റ്റീരിയസ് ഐലൻഡ് Part 2

Operation Great Wall 2-Mysterious ഐലൻഡ് Part 2| Author :അപ്പൂസ്

Previous Part

View post on imgur.com

അതുൽ തന്നെ ഓടി കയറി പേരിസ്കോപ്പിലൂടെ പുറത്തേക്ക് നോക്കി… ഇരുട്ടിലൂടെ എന്തോ അനക്കങ്ങൾ മാത്രം… ഒന്നും വ്യക്തമാവാത്ത പോലെ….

വീണ്ടും കപ്പലിൽ പരിഭ്രമത്തിന്റ നിമിഷങ്ങൾ… അത്ര ശക്തമായ കപ്പലിൽ സേഫ് ആണെന്ന് അറിയാമെങ്കിൽ കൂടി എല്ലാവരുടെ മുഖത്തും അല്പം ഭയം തെളിഞ്ഞു…

“”””ക്രീഈഈഈ…. ക്ടക്….”

വീണ്ടുമാ അല്പം മുമ്പ് കേട്ട ശബ്ദം ഒന്നുകൂടി ഉയർന്നു…. പക്ഷേ വളരെ പരിക്ഷീണിതമായ ആ ശബ്ദം…..

“ക്ടക്…”

എന്തോ ഒടിയുന്ന ശബ്ദത്തോടെ ആ കരച്ചിൽ അവസാനിച്ചു…. പക്ഷേ അതോടൊപ്പം പേരിസ്കോപ് ഒരു കുലുക്കത്തോടെ ദിശ മാറി ആകാശത്തെ ലക്ഷ്യം വച്ചു….

“ഷിറ്റ്…..”

“യെസ് അതുൽ???”

പേരിസ്കോപ് അവൻ നശിപ്പിച്ചു…. ഒടിഞ്ഞു ആകാശത്തെക്ക് മലർത്തിക്കളഞ്ഞു….

“എന്ത്‌?? എങ്ങനെ??”

അതിന് മറുപടി നൽകാതെ അതുൽ വെറും നിലത്തേക്ക് ഇരുന്നു….