വേഴാമ്പൽ (മനൂസ്) 2960

വേഴാമ്പൽ

Author: മനൂസ്

 

പുള്ളകളെ നുമ്മ എത്തീട്ടോ…മൂന്ന് വർഷങ്ങൾക്ക് മുൻപ് എഴുതിയൊരു തട്ടിക്കൂട്ട് ഐറ്റെം ആണിത്.. കളീഷേകൾ ആവശ്യത്തിന് മേമ്പൊടിയായി വാരി വിതറിയിട്ടുണ്ട്.. വായിച്ചിട്ട് കമന്റ് ബോക്സിൽ ജസ്റ്റ് ഒന്ന് വിരട്ടിയാൽ മതി ഞമ്മളെ.. നന്നാവില്ല പക്ഷേങ്കി പിന്നെ ഒരു ശീലമാക്കാല്ലോ..

അപ്പൊ ആരംഭിക്കാട്ടോ..

വേഴാമ്പൽ

പ്രകൃതിഭംഗി ആവോളം കനിഞ്ഞു കിട്ടിയ ഒരു കൊച്ചു ഗ്രാമം…. മലകളാലും
പുഴകളാലും ചുറ്റപ്പെട്ടതാണ് ഇവിടം…..
എങ്ങും പച്ചപ്പാൽ മൂടപെട്ടു കാണാം ഇവിടെ….കോടമഞ്ഞു പുതഞ്ഞ പ്രഭാതങ്ങളാണ് ഇവിടുത്തെ പ്രത്യേകത….

ഈ കാഴ്ചയാണ് ലോകത്തിൽ ഏറ്റവും മനോഹരം എന്നാണു ഇവിടുത്തുകാരുടെ വിശ്വാസം…. നാട്ടു വഴികളും,,, നീണ്ടു കിടക്കുന്ന പാടങ്ങളും,, റബ്ബർ മരങ്ങളും ഈ നാടിനെ കൂടുതൽ മനോഹരമാക്കുന്നു…..കൃഷിയെ മാത്രം ആശ്രയിച്ചു കഴിയുന്നവരാണ് കൂടുതലും….

നന്മ തിന്മകൾ നിറഞ്ഞ മനുഷ്യർ എല്ലായിടത്തെ പോലെ ഇവിടെയും ഉണ്ട്….

പിന്നേ…. അത്ര വല്യ പട്ടിക്കാട് ഒന്നുമല്ലാട്ടോ…കഥക് തുടക്കം കുറച്ചു ഗുമ്മു കിട്ടികോട്ടെന്നു വച്ചു തള്ളിയതാ…. ആവശ്യത്തിനുള്ള വികസനം ഒകെ ഇവിടുണ്ട്….

അങ്ങനെയുള്ള മഞ്ഞാൽ മൂടപെട്ട ഒരു ഞായർ പുലരി………(ഇത് തള്ളിയതല്ല ഉള്ളതാണ്….)

“എബിയെ…… ടാ ചെക്കാ…. എണീകകടാ….എന്നാ ഉറക്കമാടാ ഇത്‌…..”

“ഓഹ്ഹ്… ഈ അമ്മച്ചിക്ക് ഇതെന്ന കുഴപ്പം…. ഉറങ്ങാനും സമ്മതിക്കുകെല്ല….”

“മതി നിന്റെ ഒരു ഉറക്കം….മക്കളെ ഇന്നു ഞായറാഴ്ച അല്ലിയോട…. ഇന്നേലും അമ്മച്ചിയുടെ പൊന്നു മോൻ എണീച്ചു പള്ളിയിൽ പോ….”

“എന്റെ പൊന്നു റോസി കുട്ടി….എബി മോൻ ഇച്ചിരികൂടി ചാച്ചികോട്ടെ…..കറക്ട അവൾ ആ പാൽ കൊണ്ടു വന്ന ടൈമിൽ തന്നെ വിളിച്ചു…. മുഖം കുടി ശരിക്കും കണ്ടില്ല….”

“പാലോ……… അവൾക്കു ഇന്നലെ പാല്കാശ് കൊടുത്ത ആണല്ലോ…. ഇനി വേണ്ടന്നും പറഞ്ഞു പാൽ… പിന്നെ എന്നതിനാ അവള് പാലും ആയിട് വന്നേ….”

“ഏത് അവൾ… അമ്മച്ചി ഇത് ആരുടെ കാര്യ പറയുന്നേ…..”

“സൊസൈറ്റി നടത്തണ ഷേർളിയുടെ കാര്യമല്ലേ നീ പറഞ്ഞേ…..”