അപരാജിതൻ 23[Harshan] 13413

 

“അപ്പുവേട്ടാ ,,,,,,,അപ്പുവേട്ടാ ”

തന്‍റെ ദേഹത്ത് ആരോ തട്ടുന്ന വിളികേട്ടാണ് ആദി കണ്ണ് തുറന്നത്

അവൻ മുഖമുയർത്തി നോക്കിയപ്പോൾ ശങ്കരനാണ്

“അപ്പുവേട്ടനെന്താ ഇവിടെ കിടക്കുന്നെ ?” അവൻ ചോദിച്ചു

അവൻ ചുറ്റും നോക്കിയപ്പോൾ താൻ മുറ്റത്താണ് കിടക്കുന്നത്

അവൻ വേഗം ചാടിപിടിച്ചെഴുന്നേറ്റു

എന്നിട്ടു വീണ്ടും എല്ലായിടത്തും നോക്കി

“വെള്ളം ,,മൊത്തം വെള്ളം ,, ”

“വെള്ളമോ ,,എവിടെ ?” ശങ്കരൻ ചോദിച്ചു

“ഇന്നലെ ഇവിടെ വെള്ളപ്പൊക്കം വന്നിരുന്നില്ലേ ” അവൻ ശങ്കരനോട് ചോദിച്ചു

“ഈ അപ്പുവേട്ടന് കിറുക്ക് പിടിച്ചോ,,,? ഇവിടെ എങ്ങും ഒരു വെള്ളവും വന്നില്ല ,, വല്ല സ്വപ്നവും കണ്ടതാകും ,,,”

“സ്വപ്നമായിരുന്നോ ,,,” അവൻ സ്വയം ചോദിച്ചു

എന്നിട്ടു തിണ്ണയിൽ കുറച്ചു നേരമിരുന്നു , ശങ്കരനെ നോക്കി ചിരിച്ചു

പിന്നെ എഴുന്നേറ്റു റെഡിയായി സ്ഥിരം ചെയ്യുന്നപോലെ പാല് കൊണ്ട് കൊടുത്തു

തിരികെ വന്നു , അതിനു ശേഷം ശംഭുവിനെ കൂട്ടി തൈലം കൊടുക്കാനുള്ളിടത്തു പോയി തൈലം കൊടുത്തു വന്നപ്പോളേക്കും  ഇലക്ട്രീഷ്യന്മാരും സോളാർ ഓപ്പറേറ്റസും എത്തി പണി തുടങ്ങിയിരുന്നു

പത്തു ഇലക്ട്രീഷ്യൻ മാർ ഉണ്ടായിരുന്നു . അവർ ഒരു മണിക്കൂർ കൊണ്ട് ഓരോ വീടുകളിലും വയറിങ് പണി ചെയ്തു കൊണ്ടിരുന്നു .

സോളാർ പാനലുകൾ ഘടിപ്പിച്ചു , ബാക്കിയുള്ള ഉപകരണങ്ങളെല്ലാം വേണ്ടരീതിയിൽ സജ്ജീകരിച്ചു ,

തലേന്നു കുഴിച്ചിരുന്ന കുഴികളിലൂടെ പി വി സി പൈപ്പ് ഇട്ടു അതിലൂടെ വയറുകൾ ഒക്കെ കയറ്റി എല്ലാ റൂട്ടുകളിലേക്കും സപ്പ്ലൈ ക്കുള്ള കേബിൾ നെറ്റ്വർക് റെഡിയാക്കി.

സൂര്യപ്രകാശം കിട്ടുന്നതിനനുസരിച്ചു വൈദ്യുതി വലിയ ബാറ്ററികളിൽ ശേഖരിക്കപ്പെടുവാൻ ആരംഭിച്ചു.

ഏതാണ്ട് അമ്പതു വീടുകളിൽ വയറിങ് വർക്കുകൾ അവർ ചെയ്തു തീർത്തു

അപ്പോളും വീടുകളിലേക്ക് കണക്ഷൻ കൊടുത്തിരുന്നില്ല , അടുത്ത ദിവസം എല്ലാ വർക്കും കഴിഞ്ഞൊരുമിച്ചു കണക്ഷൻ കൊടുക്കാനായിരുന്നു തീരുമാനം.

ഗ്രാമീണർ എല്ലാവരും നാളെ വൈദ്യുതി കിട്ടുമെന്ന പ്രതീക്ഷയിൽ കഴിച്ചു കൂട്ടി

 

അന്ന് വൈകുന്നേരത്തോടെ ശൗരി വന്നു പാതിയോളം പേരുടെ തൊഴിലുറപ്പ് പദ്ധതി കാർഡ് കൊണ്ട് വന്നു കൊടുത്തു. തിങ്കളാഴ്ച്ച മുതൽ അരുണേശ്വരത്തേക്കുള്ള റോഡ് കാട് വെട്ടൽ തുടങ്ങുമെന്നറിയിച്ചു, അമ്പതു പേർക്കുള്ള ജോലി അതിലുറപ്പായി ,

കുറച്ചു പേർക്ക് ശൗരിയുടെ മില്ലിലും ജോലിയുണ്ട് അവിടെയും കൂലിയും വർധിപ്പിച്ചതിനാൽ അത് ചെയ്യുന്നവർ എവിടേക്കും പോകുമെന്ന തീരുമാനത്തിലൂമായി.

 

അന്ന്

രാത്രി എട്ടരയ്ക്ക് ശങ്കരാഭരണം സിനിമയാണ് പ്രദർശിപ്പിക്കാൻ ഉദ്ദേശിച്ചിരുന്നത്.

എട്ടരയോടെ ഒരു യോഗം ആദി വിളിച്ചു കൂട്ടി

എല്ലാരും അവൻ പറയുന്നത് കേൾക്കുവാനായി ആകാംഷയോടെ വന്നിരുന്നു.

അവൻ വസ്ത്ര സംരംഭത്തെ കുറിച്ചും , ശിവശൈലത്തുള്ള ജോലി ചെയ്യാൻ താല്പര്യമുള്ള സ്ത്രീകൾക്കായി അത് ഇവിടെ നടത്തുന്നതിനെ കുറിച്ചും സംസാരിച്ചു

അവർ അതിനായി പരിശീലിപ്പിക്കുകയും അത് നിർമ്മിക്കാൻ വേണ്ട തുണിത്തരങ്ങൾ തരുമെന്നും കൂടാതെ  പതിനഞ്ചു തയ്യൽ മെഷീനുകൾ കൂടെ തരുന്ന കാര്യവും അവരോടു പറഞ്ഞു. ചെയ്യുന്ന ജോലിക്കു കൂലിയും ലഭിക്കും , ജോലി അധികമില്ലാത്ത സമയത്തു തൊഴിലുറപ്പ് കാർഡ് ഉള്ളവർക്ക് അതിനും പോകാം , ഇത് പെണ്കുട്ടികളുടെയും യുവതികളുടെയും ഒരു സ്വയം തൊഴിൽ പദ്ധതിയെ അടിസ്ഥാനമാക്കിയെനെന്നുമുള്ള കാര്യങ്ങളൊക്കെ അവ൯ അവർക്കു വ്യക്തമായി വിശദീകരിച്ചു കൊടുത്തു , അത് കൂടാതെ ചെന്നുവാടിയിലാണ് പരിശീലനം കൊടുക്കുന്നത് , അതിനു ഏർപ്പാടുകൾ ചെയ്തു അറിയിക്കുമെന്നും , അപ്പോൾ ഒരു പത്തുദിവസത്തെ ക്ലാസ് അറ്റൻഡ് ചെയ്താൽ മതിയെന്നും പറഞ്ഞു ,

എല്ലാവരും അത് കയ്യടിച്ചു സമ്മതിച്ചു

എല്ലാ൪ക്കും സമ്മതമായിരുന്നു .

എല്ലാവരും അടിമത്തം നിറഞ്ഞ ജീവിതത്തിൽ നിന്നും ഉയർന്നു വരാനായി മനസ് കൊണ്ട് തയ്യാറെടുത്തിരുന്നതിനു തെളിവായി ,അവൻ താല്പര്യമുള്ളവ൪ കൈഉയർത്താൻ പറഞ്ഞപ്പോൾ ഏതാണ്ട് അമ്പതു സ്ത്രീകളോളം കൈ ഉയർത്തി.

താൻ ഉദ്ദേശിക്കുന്ന വഴിയിലൂടെ ഗ്രാമീണർ മുന്നോട്ട് പോകുന്നത് കണ്ടപ്പോൾ അവന്‍റെ ഉള്ളം നിറഞ്ഞു

അതിനു ശേഷം , സോമയാജലു ശങ്കരശാസ്ത്രിയായി തകർത്തഭിനയിച്ച ശങ്കരാഭരണം സിനിമയും അവിടെ പ്രദർശിപ്പിച്ചു

 

<<<<<O>>>>>>

Pages 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41