Returner [Arrow] 1827

” സത്യത്തിൽ ഞാൻ ഇവിടെ വന്നിട്ടു ഇന്ന് മൂന് ദിവസം ആവുന്നു. ആദ്യം ഞാൻ വന്നു പെട്ടത് ഒരു കാറിന്റെ മുന്നിൽ ആണ്. കാറിൽ നിന്ന് ഒരു കണ്ണട വെച്ച മനിഷ്യൻ ഇറങ്ങി വന്നു. സത്യത്തിൽ കാറും ഈ സ്ഥലവും ഒക്കെ കണ്ടു പേടിച്ചു നിന്നിരുന്ന എന്നെ അയാൾ അടിമുടി നോക്കി, എന്തൊക്കയോ പറഞ്ഞു. എന്റെ മാന മുഴുവനും transportation magic യൂസ് ചെയ്തു തീർന്നിരുന്നു, പിന്നെ ഇവിടെ air പ്രഷറും ഗ്രാവിറ്റി ഡിഫറെൻസും ഒക്കെ കൂടി  ആയപ്പോൾ എന്റെ ബോധം മറഞ്ഞു. ബോധം വന്നപ്പോൾ ഞാൻ ഒരു ലാബിൽ ആണ്. ജീവ പറഞ്ഞത് പോലെ കുറച്ചു ആളുകൾ എന്നെ കട്ടിലിൽ ലോക്ക് ചെയ്തു വെച്ച് എന്തക്കെയോ പരീക്ഷണങ്ങൾ നടത്തുന്നു. ഞാൻ ഫയർ magic ഒക്കെ യൂസ് ചെയ്തു ഒരു വിധം അവിടെ നിന്ന് രെക്ഷപെട്ട് ഓടി വന്നപ്പോഴാ ജീവയെ കണ്ടേ. ” അവൾ അത് പറയുമ്പോഴും വിറക്കുന്നുണ്ടായിരുന്നു.

” താൻ പേടിക്കണ്ട. തന്റെ magic പൂർത്തി ആവുന്ന വരെ താൻ ഇവിടെ സുരക്ഷിത ആയിരിക്കും. ” ഞാൻ അവളെ ചേർത്ത് പിടിച് അത് പറഞ്ഞപ്പോൾ അവളുടെ കണ്ണുകൾ തിളങ്ങി.  അങ്ങനെ ഒക്കെ പറഞ്ഞു എങ്കിലും വെറും ഒരു 15 കാരൻ ഇവളെ എങ്ങനെ സംരക്ഷിക്കും എന്ന സംശയം എനിക്കും ഇല്ലാതെ ഇരുന്നില്ല.

എന്തായാലും വലിയ പ്രേശ്നങ്ങൾ ഇല്ലാതെ ദിവസങ്ങൾ കടന്നു പോയി. അമ്മയും അച്ഛനും അറിയാതെ മൂന് നേരം ഞാൻ അവൾക്ക് ഫുഡ്‌ ഒക്കെ എത്തിച്ചു കൊടുത്തു. അച്ഛൻ രാവിലെ തന്നെ തോട്ടത്തിൽ പോവുന്ന കൊണ്ട് സീൻ ഇല്ല. പക്ഷെ അമ്മ ആണ് പ്രശ്നം. വെക്കേഷൻ ആയത് കൊണ്ട് അമ്മ വീട്ടിൽ തന്നെ ഉണ്ട് ആൾ ടീച്ചർ ആണേ. നാലു ദിവസം കൊണ്ട് ഞങ്ങൾ വല്ലാതെ അടുത്തു. അവൾക്ക് ഞാൻ ഫോണിൽ സിനിമയൊക്കെ കാണിച്ചു കൊടുത്തു, അവൾ എനിക്ക് പലതരം മാജിക് കാണിച്ചു തന്നു, രണ്ട് ലോകത്തിലേം കഥകൾ പറഞ്ഞു. അവസാനം ആ സമയം വന്നു. അവളുടെ മാന ഫുൾ റിക്കവർ ആയി. നാലാമത്തെ ദിവസം രാത്രി അവൾ നിലത്ത് magic സർക്കിൾ വരച്ചു. പിന്ന എന്നെ ഒന്ന് നോക്കി.

” അപ്പൊ പോകുവാ അല്ലേ??, എന്നെ മറക്കരുത് ” ഞാൻ അവളോട്‌ പറഞ്ഞു. അവൾ തല കുനിച്ചു നിന്നത് അല്ലാതെ ഒന്നും പറഞ്ഞില്ല. ഞാൻ അവളുടെ മുഖം പിടിച്ചുയർത്തി. അന്നേരം അവളുടെ കണ്ണിൽ നിന്ന് കണ്ണുനീർ ഒഴുകുന്നുണ്ടായിരുന്നു.

” അയ്യേ, ഇങ്ങനെ കരഞ്ഞിട്ട് ആണോ പോണേ. ലിസ്, നിനക്ക് നിന്റെ അച്ഛനേം അമ്മയേം കാണണ്ടേ?? നിന്റെ ജനങ്ങളെ രെക്ഷിക്കണ്ടേ?? അതിന് നീ പോയെ പറ്റൂ അത് നിന്റെ കടമയാണ്. നീ Demigor ലെ രാജകുമാരി അല്ലേ, ചെല്ല്. ഞാൻ നിന്നെ ഒരിക്കലും മറക്കില്ല, നീ ഇവിടെ എന്റെ ഹൃദയത്തിൽ ഉണ്ടാവും എന്റെ ഫസ്റ്റ് kiss, അല്ല ഫസ്റ്റ് love” ഞാൻ അത് കൂടി പറഞ്ഞപ്പോൾ അവൾ എന്നെ വരിഞ്ഞു മുറുക്കി എന്റെ നെഞ്ചിൽ കിടന്നു കരഞ്ഞു. കുറച്ച് നേരത്തിനു ശേഷം അവൾ കണ്ണ് ഒക്കെ തുടച് എഴുന്നേറ്റു എന്നെ ഒന്ന് നോക്കി. എന്നോട് മുഖം ചേർത്തു. ഞങ്ങൾ വീണ്ടും ചുംബിച്ചു. അതിന് ശേഷം അവൾ മാജിക് സർക്കിളിലേക്ക് കയറി നിന്നു മാല കയ്യിലെടുത്തു. എന്തോ പിറുപിറുതു. പെട്ടന്നാണ് വാതിൽ പൊളിയുന്ന ശബ്ദം കേട്ടത് ഞങ്ങൾ നോക്കിയപ്പോൾ തോക്ക് ഒക്കെ ആയി ഒരു കൂട്ടം ആളുകൾ. പട്ടാളക്കാർ ആണ്‌.

” ഫ്രീസ്, അനങ്ങരുത്‌ ” അവർ അലറി.

” ലിസ് നീ പോവാൻ നോക്ക് ഇവരെ ഞാൻ നോക്കിക്കോളാം ” എന്നും പറഞ്ഞു ഞാൻ കമ്പിയും എടുത്തു അവരുടെ മുന്നിലേക്ക് കയറി നിന്നു.

” ആ പെണ്ണിനെ രെക്ഷപെടാൻ അനുവദിക്കരുത്. ” പട്ടാളക്കാരുടെ പിറകിൽ നിന്ന് ആരോ പറഞ്ഞു.