ആ രാത്രിയിൽ 2 [പ്രൊഫസർ ബ്രോ] 172

//ആരാണെന്നോ എന്തിനാണെന്നോ അറിയില്ല, ഇവരുടെ കരച്ചിൽ കേട്ട് വരുമ്പോൾ രക്തത്തിൽ കുളിച്ച് കിടക്കുന്ന ഇവരെ ആണ് കണ്ടത്, വടിവാളിന് വെട്ടിയതാണ്, ആശുപത്രിയിൽ എത്തിയില്ല അതിന് മുൻപ് രണ്ട് പേരും തീർന്നു //. എന്നൊക്കെ ആരൊക്കെയോ പറയുന്നത് കേട്ടു എങ്കിലും എനിക്കൊന്നും മനസ്സിലായില്ല

എന്റെ മനസ്സിൽ മുഴുവൻ രാവിലെ സ്കൂളിൽ പോകാൻ മടിച്ച എന്നെ ബസ് കയറ്റി വിട്ടതിനു ശേഷം കണ്ണ് തുടക്കുന്ന അമ്മയുടെ മുഖം ആയിരുന്നു, എന്റെ അമ്മയെക്കുറിച്ച് എനിക്കുള്ള അവസാനത്തെ ഓർമ

ബന്ധുക്കൾ ആരും ഇല്ലാത്ത എനിക്ക് പിന്നീടുള്ള കാലം അനാഥാലയം ആയിരുന്നു വീട്…

രാജേട്ടന് അറിയോ… എന്റെ കൂടി കളിക്കാൻ ഒരു അനിയനോ അനിയത്തിയോ വരുന്നുണ്ടെന്ന് എന്നെ അറിയിക്കാൻ ആയി കാത്തിരിക്കുകയായിരുന്നു അവർ … പക്ഷെ എനിക്ക് ഒന്നിനും ഭാഗ്യം ഇല്ലായിരുന്നു രാജേട്ടാ…”

ദേവൻ പൊട്ടിക്കരയുകയായിരുന്നു, എല്ലാം കേട്ടിരുന്ന രാജന്റെയും ഗംഗയുടെയും കണ്ണുകളിൽ നിന്നും കണ്ണുനീർ ഒഴുകിക്കൊണ്ടിരുന്നു

ദേവനെ എങ്ങനെ സമാധാനിപ്പിക്കണം എന്നത് അവർക്ക് രണ്ട് പേർക്കും നിശ്ചയം ഉണ്ടായിരുന്നില്ല

ദേവനോട് അത് ചോദിക്കാൻ തോന്നിയ സമയത്തെ ഗംഗ ശപിച്ചു

“സോറി സർ, ഞാൻ കാരണം…”

ഗംഗക്ക് തന്റെ വാക്കുകൾ പൂർത്തിയാക്കാൻ സാധിച്ചില്ല

“ഏയ്യ്… അതൊന്നും സാരമില്ലടോ… താൻ പൊയ്ക്കോ… രാജേട്ടാ നമുക്കും പോകാം”

“ശരി സർ”

ദേവൻ സീറ്റിൽ ചാരിക്കിടന്നു

“രാജേട്ടാ എന്നെ വീട്ടിൽ വിട്ടേക്കൂ…”

“അപ്പൊ ബൈക്ക്…”

“അത് സ്റ്റേഷനിൽ തന്നെ ഇരിക്കട്ടെ, നാളെ എടുക്കാം…”

“എന്നാൽ നമുക്ക് ഇന്നെന്റെ വീട്ടിൽ പോകാം സർ “

ആ അവസ്ഥയിൽ ദേവനെ ഒറ്റക്ക് വിടുന്നതിന്റെ വിഷമം ആയിരുന്നു രാജന്

“വേണ്ട രാജേട്ടാ… എനിക്ക് കുറച്ചു സമയം ഒറ്റക്കിരിക്കണം… ഞാൻ പിന്നെ ഒരു ദിവസം വരാം…”

“ശരി സർ”

വീട്ടിൽ എത്തുന്നത് വരെ രണ്ട് പേരും ഒന്നും സംസാരിച്ചില്ല

“ഗുഡ് നൈറ്റ്‌ സർ..”

ഡോർ തുറന്ന് പുറത്തിറങ്ങിയ ദേവൻ ഒന്ന് നിന്നു