ആ രാത്രിയിൽ 2 [പ്രൊഫസർ ബ്രോ] 172

“ഇതാണോ ജീവേട്ടന്റെ വീട്… ഫോട്ടോയിൽ കണ്ടിട്ടുണ്ടെങ്കിലും ഇത്രയും ഞാൻ പ്രതീക്ഷിച്ചില്ല”

അവളുടെ ചോദ്യത്തിന് അവളെ നോക്കി ചിരിക്കുക മാത്രമാണ് അവൻ ചെയ്തത്, അവന്റെ കാർ അടുത്തു ചെന്നതും ആ വണ്ടിക്ക് പോകാൻ അനുമതിയെന്നോണം ഗേറ്റ് രണ്ട് വശത്തേക്കും തുറന്നു വന്നു

“ജോലിക്കാർ ഒന്നും ഇല്ലേ…”

“ഉണ്ടായിരുന്നു, ഞാൻ അയാളെ പുറത്തേക്ക് വിട്ടു”

“എന്തിന്…”

“ഏയ്… ചുമ്മാ…”

അവന്റെ കുസൃതി ചിരിയോടെയുള്ള സംസാരത്തിന് അവൾ അവന്റെ കയ്യിൽ നഖങ്ങൾ താഴ്ത്തി

“ആവൂ…”

“അയ്യോ… വേദനയെടുത്തോ… സോറിട്ടോ…”

അവൾ പതിയെ കുനിഞ്ഞു അവന്റെ കയ്യിൽ ചുംബിച്ചു

അവൾക്കിറങ്ങാനായി ഡോർ തുറന്നു കൊടുത്തത് ജീവൻ ആയിരുന്നു, അവളെ തന്റെ തോളോട് ചേർത്തു നിര്തിക്കൊണ്ട് അവൻ വീടിന്റെ ഉള്ളിലേക്ക് നടന്നു

സമയം നീങ്ങിക്കൊണ്ടിരുന്നു കുശലാന്വേഷണങ്ങളുമായി തുടങ്ങിയ അവരുടെ സംസാരം ദിശ മാറി സഞ്ചരിച്ചു തുടങ്ങി

സംസാരം ലിവിങ് റൂമിൽ നിന്നും ബെഡ്റൂമിലേക്ക് മാറി

“ജീവേട്ടാ… “

അവന്റെ ചുണ്ടുകൾ അവളുടെ കവിളിൽ പതിച്ചപ്പോൾ അവൾ കാതരയായി

ജീവൻ അവളുടെ കവിളിൽ നിന്നും ചുണ്ടുകൾ വേർപെടുത്തി, വലത് കൈ അവളുടെ പിന്കഴുത്തിലും ഇടതുകൈ തലക്ക് പിന്നിലും പിടിച്ചുകൊണ്ട് അവൻ അവളുടെ ചുണ്ടുകളെ തന്റെ ചുണ്ടുകളോട് അടുപ്പിച്ചുകൊണ്ടിരുന്നു

അവളുടെ ചായം പൂശി ചുവപ്പിച്ച ചുണ്ടിനു മുകളിൽ കൂടി ഒഴുകിയിറങ്ങിയ ഒരു തുള്ളി കണ്ണുനീർ അവന്റെ നീക്കത്തെ തടസപ്പെടുത്തി

അവൻ അകന്നു മാറി അവളുടെ മുഖത്തേക്ക് നോക്കി, കരിമഷി വരച്ച കണ്ണുകളിൽ നിന്നും ഒഴുകിയ കണ്ണുനീർ തുള്ളികൾക്ക് കറുത്ത നിറമായിരുന്നു