ആ രാത്രിയിൽ 2 [പ്രൊഫസർ ബ്രോ] 172

“എന്താടോ ഇത്… ലവ് ലെറ്റെറോ…”

“പ്രണയത്തിന് പ്രായം ഇല്ലല്ലോ സർ…”

“ഇത് പ്രണയമല്ല… കഴപ്പാണ്,അല്ലെങ്കിൽ ഇതുവരെ കാണാത്ത തന്റെ പ്രണയിനിയെ കാത്തിരിക്കുമ്പോൾ അയാൾ എന്തിനാ കോണ്ടവും കയ്യിൽ വച്ചുകൊണ്ട് ഇരിക്കുന്നത്…”

ദൂരെനിന്നും അടുത്ത് വരുന്ന സൈറൺ ശബ്ദം കേട്ടതും ദേവനും മരക്കാരും കൂടി വീടിന്റെ ഉമ്മറത്തേക്ക് നടന്നു നീങ്ങി

അവർ പുറത്തേക്ക് നടക്കുന്ന സമയത്ത് അവർക്കെതിരെ വെള്ള വസ്ത്ര ധാരികൾ ആയ രണ്ട് പേർ നടന്നു വന്നു , അവരുടെ കയ്യിൽ സ്‌ട്രെച്ചർ ഉണ്ടായിരുന്നു. അവർ ദേവനെയും മരക്കാരെയും നോക്കി ബഹുമാന സൂചകമായി തല കുനിച്ചു അവരെ നോക്കി ചിരിച്ചുകൊണ്ട് ദേവനും മരക്കാരും നടന്നു നീങ്ങി

അവർ പുറത്തെത്തിയപ്പോഴേക്കും ആ സൈറൺ ശബ്ദം അടുത്തെത്തിയിരുന്നു. പോർച്ചിലേക്ക് പാഞ്ഞു വന്ന്‌ ഇന്നോവ നിർത്തിയതും ദേവനും മരക്കാരും അങ്ങോട്ടേക്ക് പാഞ്ഞു

മന്ത്രിയെ കണ്ടതും തടിച്ചു കൂടിയ മീഡിയക്കാരെ വകഞ്ഞു മാറ്റി മന്ത്രിക്കരികിൽ എത്താൻ അവർ നന്നായി പണിപ്പെട്ടു

“സർ…”

ദേവനും മരക്കാരും മന്ത്രിയെ കണ്ടതും അയാൾക്ക് സല്യൂട് ചെയ്തു .

അപ്പോഴേക്കും കോൺസ്റ്റബിൾസ് എല്ലാം ചേർന്ന് മന്ത്രിക്കു സുഗമമായി വീടിന്റെ ഉള്ളിലേക്ക് പോകാൻ വഴിയൊരുക്കി

“വരൂ സർ…”

മന്ത്രിയെ മുന്നിൽ വിട്ടുകൊണ്ട് അയാൾക്ക് പിന്നിലായി അവരും നടന്നു

അവർ ഉള്ളിൽ എത്തിയപ്പോഴേക്കും വെള്ള തുണിയാൽ മൂടിയ മൃതദേഹം മുറിയിൽ നിന്നും പുറത്തേക്ക് സ്‌ട്രെച്ചറിൽ കൊണ്ട് വന്നു

“എനിക്കൊന്ന് കാണണം…”

മന്ത്രി അത് മൃതദേഹത്തെ നോക്കിയാണ് പറഞ്ഞത്

ദേവൻ സ്‌ട്രെച്ചറുമായി വന്നവരെ  അരികിലേക്ക് വിളിച്ചു .

അവർ അടുത്ത് വന്നതും അവൻ ആ മൃതദേഹത്തിന്റെ മുഖത്തുനിന്നും തുണി മാറ്റി

കുറച്ചു സമയം നോക്കിനിന്ന മന്ത്രി കണ്ണുകൾ തുടച്ചുകൊണ്ട് മൃതദേഹത്തിൽ നിന്നും കണ്ണുകൾ മാറ്റി

“എന്തായെടോ… എന്തെങ്കിലും സൂചന…”