ആ രാത്രിയിൽ 2 [പ്രൊഫസർ ബ്രോ] 172

വീണ്ടും ഫോൺ റിങ് ചെയ്തപ്പോൾ ആണ് അവൻ tv യിൽ നിന്നും കണ്ണെടുക്കുന്നത്

ഡിസ്‌പ്ലേയിൽ സി ഐ എന്ന് എഴുതി വന്നപ്പോൾ tv യുടെ വോളിയം കുറച്ചുകൊണ്ട് അവൻ ഫോൺ അറ്റൻഡ് ചെയ്തു

“സർ…”

“,.,..,.,.,.,.,.,.,.,.,,.,.,.,”

“സോറി സർ…ഉറങ്ങിയപ്പോൾ വൈകി അതുകൊണ്ടാണ് ഫോൺ ബെല്ലടിച്ചത് അറിയാത്തത്…”

“,.,.,….,.,.,.,.,.,.,”

“ശരി സർ… ഇപ്പൊ എത്താം…”

ദേവൻ കാൾ കട്ട്‌ ചെയ്ത് ടേബിളിൽ ഇട്ടുകൊണ്ട് തിരികെ റൂമിലേക്ക് നടന്നു

ദേവൻ യൂണിഫോം ഇട്ട് റെഡി ആയപ്പോൾ അവനെ കൂട്ടികൊണ്ട് പോകാനായി രാജനും അങ്ങോട്ടേക്ക് എത്തി

“ഗുഡ് മോർണിംഗ് സർ…”

ദേവനെ കണ്ടതും രാജൻ ചിരിച്ചുകൊണ്ട് അവനെ വിഷ് ചെയ്തു

“അവസ്ഥ കണ്ടിട്ട് അത്ര നല്ല മോർണിംഗ് ആയിട്ട് തോന്നുന്നില്ലല്ലോ രാജേട്ടാ…”

“ഇതൊക്കെ നമ്മുടെ ജോലി അല്ലെ സർ… എന്തായാലും നമുക്ക് അങ്ങോട്ട് പോകാം… ഇനിയും വൈകിയാൽ കേൾക്കുന്ന വഴക്കിന്റെ അളവ് കൂടും..”

“ശരിയാ പോകാം…”

രാജനും ദേവനും കൂടി എത്തുമ്പോൾ സംഭവസ്ഥലം മുഴുവനും നാട്ടുകാരാലും മീഡിയക്കാരാലും നിറഞ്ഞിരുന്നു .

സൈറൺ മുഴക്കി ചെന്ന അവരുടെ വാഹനത്തിന് പോകുവാനായി ,ആളുകൾ വഴിമാറിക്കൊടുത്തു

വീടിന്റെ അരികിലേക്ക് തള്ളിക്കയറാൻ ശ്രമിക്കുന്ന മീഡിയക്കാരെ തടഞ്ഞു നിർത്താൻ പോലീസ് നന്നായി ബുദ്ധിമുട്ടുന്നുണ്ടായിരുന്നു

വീടിനുള്ളിലേക്ക് കയറുന്ന സമയത്ത് ദേവൻ ചുറ്റുപാടും ഒന്ന് വീക്ഷിച്ചു, വീടിന്റെ ഒരു വശത്തായി ആംബുലൻസ് നിർത്തിയിരിക്കുന്നു

“എവിടെയാടോ ഇത്… എത്ര പ്രാവശ്യം വിളിച്ചു…”

ഉള്ളിലേക്ക് ചെന്ന ദേവനെ കണ്ടതും സി ഐ ഹൈദർ മരക്കാർ അവനോട് ചൂടായി

ഹൈദർ മരക്കാർ,പ്രായം അന്പതിനോട് അടുത്തെങ്കിലും കൃത്യമായ വ്യായാമത്തിലൂടെ ശരീരം സംരക്ഷിച്ചു പോരുന്ന ആൾ, പുരുഷത്വത്തിന്റെ അടയാളമായി വളർത്തിയ മീശ പിരിച്ചു വച്ചിരിക്കുന്നു, തന്റെ ജോലിയുടെ സ്വഭാവം കണക്കിലെടുത്ത് അയാൾ ഒരു കല്യാണം പോലും കഴിച്ചിട്ടില്ല , തന്റെ കീഴുദ്യോഗസ്ഥരെ ബഹുമാനിക്കുകയും സ്നേഹിക്കുകയും ചെയ്യുന്ന സി ഐ