ആ രാത്രിയിൽ 2 [പ്രൊഫസർ ബ്രോ] 172

“എന്താ രാജേട്ടാ…”

“ഗുഡ് നൈറ്റ്‌ പറഞ്ഞതാ സർ”

“ആ… ഗുഡ് നൈറ്റ്‌ രാജേട്ടാ…”

ദേവൻ ഇരുട്ട് മൂടിക്കിടന്ന ആ വീടിന്റെ ഉമ്മറത്തെ ലൈറ്റുകൾ ഓൺ ചെയ്തു, അവൻ വാതിൽ തള്ളിത്തുറന്നു

വീടിന്റെ ഉള്ളിലെ ലൈറ്റ് ഓൺ ചെയ്ത ദേവന്റെ കണ്ണുകൾ ആദ്യം പോയത് ചുവരിൽ മാലയിട്ട് തൂക്കിയിരിക്കുന്ന അവന്റെ അമ്മയുടെയും അച്ഛന്റെയും ഫോട്ടോയിലേക്കാണ്

♦️♦️♦️♦️♦️

നെടുമ്പാശ്ശേരി എയർപോർട്ട് സമയം രാത്രി 12 മണി

“ജീവേട്ടാ…”

കയ്യിൽ ഒരു ഹാൻഡ് ബാഗും പിടിച്ചു നിന്ന അവൾ റേഞ്ച് റോവറിൽ നിന്നും ഇറങ്ങിയ ജീവനെ കണ്ടപ്പോൾ അവന്റെ അരികിലേക്ക് ഓടി

“ചന്ദ്ര…???”

“എന്താ ഇഷ്ടായില്ല…”

അവൾ അവനിൽ നിന്ന് വിട്ടുമാറിക്കൊണ്ട് അവനെ നോക്കി പുഞ്ചിരിച്ചു

“അതല്ലെടോ… ആദ്യമായി കാണുന്നതിന്റെ എസ്‌ഐട്മെന്റ്,… ഞാൻ എന്റെ മനസ്സിൽ കണ്ടിരുന്ന അതേ രൂപമാണ് തനിക്ക്…”

“പിന്നെ… അതൊക്കെ ചുമ്മാ…”

“അല്ലടോ… സത്യം… ഞാൻ ചോദിച്ചപ്പോൾ ഒന്നും താൻ ഫോട്ടോ തരാത്തപ്പോൾ എനിക്കൊരു വിഷമം തോന്നിയിരുന്നു,.പക്ഷെ അന്ന് താൻ ഫോട്ടോ തന്നിരുന്നെങ്കിൽ തന്നെ കാണുമ്പോൾ എനിക്കിത്ര സന്തോഷം ഉണ്ടാകുമായിരുന്നില്ല എന്ന് തോന്നുന്നു”

“അതാണ് ചന്ദ്ര…”

“ഓ പിന്നെ…അല്ല തനിക്ക് ലഗേജ് ഒന്നും ഇല്ലേ…”

“ഏയ്യ്… ഞാൻ നാളെ തന്നെ തിരിച്ചു പോകില്ലേ…”

അവൾ അത് പറഞ്ഞപ്പോൾ ജീവന്റെ മുഖം വിഷമത്താൽ മൂടി

“എന്റെ ജീവേട്ടാ… വെറുതെ സങ്കടപ്പെട്ട് ഒരു നല്ല രാത്രി നശിപ്പിക്കല്ലേ…”

“ശരി താൻ വാ, നമുക്കെന്തെങ്കിലും കഴിച്ചിട്ട് പോകാം…”

“വേണ്ട ജീവേട്ടാ… ഞാൻ ഫ്ലൈറ്റിൽ നിന്നും കഴിച്ചു, നമുക്ക് വീട്ടിലേക്ക് പോകാം”

അവൾ പറഞ്ഞ മറുപടിക്കൊപ്പം ഉണ്ടായിരുന്ന നോട്ടം അവനെ പ്രണയ പരവശനാക്കി

“പോകാം…”

“പോകാം ജീവേട്ടാ…”

അവൾക്കു വേണ്ടി അവൻ കാറിന്റെ ഇടത് വശത്തെ ഡോർ തുറന്നു പിടിച്ചു, അവൾ ഉള്ളിൽ കയറിയതും ഡോർ അടച്ചുകൊണ്ട് അവനും ഡ്രൈവിംഗ് സീറ്റിലേക്ക് കയറി