ആ രാത്രിയിൽ 2 [പ്രൊഫസർ ബ്രോ] 172

“എന്താ ചന്ദ്രാ… എന്തിനാ താൻ കരയുന്നത്…”

“എന്റെ ഏട്ടനെക്കുറിച്ച് ആലോചിച്ചു പോയി…”

“തന്റെ ഏട്ടനോ… തനിക്കൊരു ഏട്ടൻ ഉള്ള കാര്യം എന്നോട് പറഞ്ഞിട്ടില്ലല്ലോ…”

“ഉണ്ട് എന്നല്ല ഉണ്ടായിരുന്നു,…നിങ്ങൾക്കറിയാം… ഡോക്ടർ ചന്ദ്രനാഥ്.”

“ഡോക്ടർ ചന്ദ്രനാഥ്…”

ആ പേര് അവനിൽ ഒരു ഞെട്ടൽ ഉണ്ടാക്കി, അവളുടെ ശരീരത്തിൽ ഉണ്ടായിരുന്ന അവന്റെ കൈകൾ യാന്ത്രികമായി പിൻ വലിക്കപ്പെട്ടു

“അപ്പൊ നീ….”

ജീവന് പറഞ്ഞുകൊണ്ടിരുന്നത് പൂർത്തിയാക്കാൻ സാധിച്ചില്ല, അവന് ചിന്തിക്കാനാവുന്നതിനു മുൻപ് തന്നെ അവളുടെ കയ്യിൽ ഇരുന്ന കത്തി അവന്റെ കഴുത്തിൽ ആഴത്തിൽ ഉള്ള മുറിവ് തീർത്തിരുന്നു

“ഇത് ചന്ദ്രേട്ടന് വേണ്ടി, എന്റെ അച്ഛനും അമ്മയ്ക്കും വേണ്ടി…”

അവൾ കട്ടിലിൽ കിടന്ന ജീവന്റെ മൊബൈൽ എടുത്തുകൊണ്ട് വാതിൽ തുറന്നു പുറത്തേക്ക് നടന്നു

ഓരോന്ന് ആലോചിച്ചു കിടന്ന ദേവൻ അന്ന് ഒരുപാട് വൈകിയാണ് ഉറങ്ങിയത്, നിർത്താതെ ഫോൺ ബെല്ലടിക്കുന്നത് കേട്ടാണ് അവൻ രാവിലെ ഉണർന്നത്

കണ്ണ് തുറക്കാതെ തന്നെ അവൻ കട്ടിലിൽ കിടന്ന ഫോൺ തപ്പിയെടുത്തു ചെവിയോട് ചേർത്തു

“ഹലോ…”

“,..,.,.,.,.,.,…..,,.,,.,.,”

അടഞ്ഞിരുന്ന കണ്ണ് എന്തോ കേട്ട് ഭയന്നിട്ടെന്ന പോലെ തുറന്ന് വന്നു, കയ്യിലിരുന്ന ഫോൺ കട്ടിലിലേക്ക് തന്നെ വലിച്ചെറിഞ്ഞു കൊണ്ട് അവൻ വെപ്രാളത്തോടെ റൂമിൽ നിന്നും പുറത്തേക്ക് കാലടികൾ വച്ചു

സ്റ്റെപ്പുകൾ ഓടിയിറങ്ങുമ്പോൾ അവന്റെ കണ്ണുകളിൽ ഉറക്കക്ഷീണം ഒട്ടും തന്നെ ഉണ്ടായിരുന്നില്ല . ലിവിങ് റൂമിൽ ഇരുന്ന tv ഓൺ ആയി വരുന്ന സമയം അത്രയും അവന്റെ മുഖത്തു ടെൻഷൻ കൂടി വന്നു

“രാവിലെ ജോലിക്കാർ വന്നപ്പോൾ ആണ് ബെഡ്‌റൂമിൽ രക്തത്തിൽ കുളിച്ച് കിടന്ന മൃതദേഹം കണ്ടത് “

വാർത്താ ചാനലിൽ നിന്നും ആ വാർത്ത കേട്ടപ്പോൾ അവനിൽ ഒരു നിരാശ വന്നു മൂടി