?കരിനാഗം 8? [ചാണക്യൻ] 384

“ഹ്മ്മ്….. എനിക്കൊരു ഉപകാരം ചെയ്യുവോ യക്ഷമി”

“എന്താ മഹി?”

“എനിക്ക് വീട്ടിലൊന്നു പോകണമെന്നുണ്ട്……എന്റെ സാധനങ്ങളൊക്കെ എടുക്കണം…… രാധമ്മയുടെയും കുറച്ചു സാധനങ്ങൾ എടുക്കണം…… അങ്ങനൊക്കെ”

“അതുവേണ്ട മഹി…… നീയിപ്പോ പുറത്തിറങ്ങുന്നത് റിസ്ക് ആണ്…….. ഞാൻ പോയി വേണ്ടതൊക്കെ എടുത്തിട്ട് വരാം”

യക്ഷമി പറയുന്നതാണ് ശരിയെന്നു മഹിക്ക് ആലോചിച്ചപ്പോൾ തോന്നി.

അവൻ യന്ത്രികമായി തലയാട്ടി.

യക്ഷമി നേർത്ത പുഞ്ചിരിയോടെ പോകാനിറങ്ങി.

പോയ അതേ വേഗതയിൽ അവൾ തിരിച്ചു വന്നു.

“മഹി ഒരു കാര്യം പറയട്ടെ?”

“എന്താ യക്ഷമി?”

“രാധമ്മ പറഞ്ഞിട്ടുള്ളത് ദേഷ്യം വരുമ്പോഴൊക്കെ മഹിയുടെ നക്ഷത്ര കണ്ണുകൾ നേർത്ത മഴത്തുള്ളിയുടെ രൂപം പോലെ ആയിത്തീരുമെന്നല്ലേ, എൻറെ കണ്ണുകൾ പോലെ?”

യക്ഷമി പറഞ്ഞു നിർത്തി.

മഹി അതെയെന്ന മട്ടിൽ തലയാട്ടി.