?കരിനാഗം 8? [ചാണക്യൻ] 384

“ഗുരുവേ”

രുദ്രരൂപ മനസിൽ മൊഴിഞ്ഞു.

നാഗങ്ങളെ പോലെ സർപ്പങ്ങൾക്കും മനസ് കൊണ്ട് പരസ്പരം സംസാരിക്കുവാൻ സാധിക്കും.

“മകളെ രുദ്രാ……. സംഹാര രുദ്രിണി”

ഗുരു സ്നേഹ നിർഭരമായി വിളിച്ചു.

അദ്ദേഹത്തിന്റെ സംബോധന രുദ്രരൂപക്ക് നൽകിയത് ആത്മഹർഷമാണ്.

അവൾ അടിമുടി പൂത്തതുലഞ്ഞു

“ഞാൻ എല്ലാം അറിയുന്നു…… കരിനാഗ വംശജൻ ജാതനായെന്ന് അശരീരി വന്നുവല്ലേ?”

“ഉവ്വ് ഗുരുവേ”

“ഹ്മ്മ്…… വീണ്ടും നിന്റെ മറ്റൊരു നിയോഗം കൂടി ആരംഭിച്ചു കഴിഞ്ഞിരിക്കുന്നു…….. കഴിഞ്ഞ നാല് കരിനാഗ വംശജരെയും കപട പ്രണയത്തിലൂടെ കീഴ്പ്പെടുത്തി നിസാരമായി വധിച്ച നിനക് ഇതും അതുപോലെ സാധ്യമാവട്ടെ……. അഞ്ച് നിയോഗങ്ങൾ പൂർത്തിയാക്കി നീ മടങ്ങി വരൂ മകളെ…… സർപ്പ ലോകം നിന്നിൽ ആത്മാഭിമാനം കൊള്ളുന്നു.”

ഗുരുവിന്റെ വാക്കുകൾ അവളെ ആനന്ദ പുളകിതയാക്കി.

“തീർച്ചയായും ഗുരുവര്യാ…… ഞാൻ എന്തേലും ചെയ്യേണ്ടുന്നതുണ്ടോ?”

അവൾ ഭവ്യതയോടെ ചോദിച്ചു.