?കരിനാഗം 8? [ചാണക്യൻ] 384

ചൂടുള്ള ചോറും സാമ്പാർ കറിയും.

അതിന്റെ മണം അവന്റെ നാസികയിലേക്ക് അരിച്ചു കയറി.

“എന്തുപറ്റി മഹി?”

യക്ഷമി അവന്റെ കവിൾത്തടങ്ങളിൽ പറ്റി പിടിച്ചു കിടക്കുന്ന നീരോഴുക്കിന്റെ ബാക്കി പതിയെ തുടയ്ക്കുകയായിരുന്നു.

അവളുടെ പൂ പോലെ മൃദുലത്വമാർന്ന വിരലുകൾക്ക് നല്ല പതു പതുപ്പ് ആണെന്ന് അവന് തോന്നി.

നീളമുള്ള ഒരു മിഡിയും പാവാടയും ആയിരുന്നു അവൾ ധരിച്ചിരുന്നത്.

കയ്യിൽ പതിവിന് വിപരീതമായി കുപ്പി വളകൾ കാണാം.

അതിന്റെ മർമ്മര ശബ്ദം അവന്റെ കാതിൽ പതിഞ്ഞുകൊണ്ടിരുന്നു.

ഏത് വേഷവിധാനമായാലും യക്ഷമിക്ക് വല്ലാത്തൊരു സൗന്ദര്യമാണെന്ന് മഹിക്ക് തോന്നി.

“എന്തിനാ മഹി കണ്ണൊക്കെ നിറഞ്ഞെ?”

അവൾ വീണ്ടും ചോദ്യം ആവർത്തിച്ചു.

“ഒന്നുമില്ല യക്ഷമി രാധമ്മയെ കുറിച്ച് ഓർത്തു പോയി……. എത്ര നാളായി എന്റെ രാധമ്മയെ കെട്ടി പിടിച്ചു ഉറങ്ങിയിട്ട്……. എന്നും രാധമ്മയുടെ മാറിൽ മുഖം പൂഴ്ത്തി ആ ചന്ദന ഗന്ധവും ആസ്വദിച്ചു കൊണ്ട് മയങ്ങുക എന്നത് തന്റെ ജീവിതത്തിലെ ഒരു സുപ്രധാന കാര്യമായിരുന്നു……എല്ലാം പോയില്ലേ?”

“ഇല്ല മഹി ഒന്നും പോയിട്ടില്ല……. രാധമ്മയുടെ ആഗ്രഹം പോലെ നന്നായി ജീവിച്ചു കാണിക്കണം…… അപ്പൊ രാധമ്മ ഒരുപാട് സന്തോഷിക്കും .”