?കരിനാഗം 8? [ചാണക്യൻ] 384

അത്രയും പഴക്കം ആ ലിപിക്കും മുദ്രയ്ക്കും ഉണ്ടെങ്കിൽ പിന്നെങ്ങനെ എന്റെ കയ്യിൽ അതു തെളിഞ്ഞു വന്നു?

“മഹിയെന്താ ചിന്തിക്കുന്നേ?”

യക്ഷമി ചോദിച്ചു.

“വേറൊന്നുമല്ല ഇത്രയും പഴക്കമുള്ള മുദ്രണം എന്റെ കയ്യിൽ എങ്ങനെ പതിഞ്ഞുവെന്ന്?”

അവൻ മുഖം ചുളിച്ചു.

“ഒരുപക്ഷെ രാധമ്മയ്ക്കോ മഹിയുടെ അച്ഛനോ ഇതുമായി ബന്ധമുണ്ടെങ്കിലോ?”

യക്ഷമി ഇടക്ക് കയറി ചോദിച്ചു.

“എങ്ങനെ?”

അവൻ ചോദ്യഭാവേന അവളെ നോക്കി.

“മഹിയുടെ അച്ഛനും അമ്മയ്ക്കും ആർക്കേലും നാഗാരാധനയുമായി ബന്ധമുണ്ടെങ്കിലോ? കേരളം പിന്നെ സർപ്പ-നാഗ ആരാധനകളുടെ ഈറ്റില്ലമാണല്ലോ”

“അതുണ്ടാവാൻ സാധ്യതയില്ല…… കാരണം അവർ രണ്ടും അനാഥാലയത്തിൽ ആണ് വളർന്നത്…… കോളേജിൽ വച്ചു കണ്ടു പരസ്പരം ഇഷ്ട്ടപ്പെട്ടു വിവാഹിതരാകുകയയൊരുന്നു.”

“അവർക്ക് ആർക്കേലും ഇതുമായി ബന്ധമുണ്ടാവണം………അതുകൊണ്ടാണ് മഹിക്ക് ഈ അടയാളം കിട്ടിയത്”

“പക്ഷെ അതെങ്ങനെ കണ്ടെത്തും……. അച്ഛന്റെയും രാധമ്മയുടെയും ബന്ധുക്കളെ കുറിച്ചോ വീട്ടുകാരെ കുറിച്ചോ ഒന്നും അറിഞ്ഞൂടല്ലോ”