?കരിനാഗം 8? [ചാണക്യൻ] 384

വാളിനെ ചുറ്റി വരിഞ്ഞ പാമ്പ്.

ആ ഗുഹയിൽ അത്‌ കോറിയിട്ടത് എന്തോ മൂർച്ചയുള്ള ആയുധങ്ങൾ കൊണ്ടാണ്.

അതു കണ്ടപ്പോഴാണ് മഹി ശരിക്കും ഞെട്ടിയത്.

“ഇതെന്താ അമ്മൂമ്മേ?”

അവൻ അതിൽ തൊട്ടു കാണിച്ചു കൊണ്ട് ചോദിച്ചു.

മാദ്രിയമ്മ അതിലേക്ക് ഒന്നു സൂക്ഷിച്ചു നോക്കി.

ഗൗരവത്തോടെ.

ശേഷം ഒന്നു നെടുവീർപ്പെട്ടുകൊണ്ട് പറഞ്ഞു.

രാജകുമാര കേരളത്തിൽ നിന്നും കണ്ടെത്തിയ ഗുഹാ ലിഖിതമാണിത്……. ഏതോ പ്രാകൃതമായ ലിപിയാണിത്……. ആ ലിപിയുടെ അർത്ഥം എന്താണെന്ന് ഇപ്പോഴും ഗവേഷകർക്ക് കണ്ടു പിടിക്കാൻ കഴിഞ്ഞിട്ടില്ല…. ഇപ്പോഴും റിസർച്ച് നടക്കുന്നുണ്ട്….. പക്ഷെ ഒരു കാര്യമുണ്ട്”

അവരൊന്ന് പറഞ്ഞു നിർത്തി.

“എന്താ അമ്മൂമ്മേ അത്‌?”

മഹി ആകാംക്ഷയോടെ ചോദിച്ചു.

“ഈ ലിഖിതത്തിന് 5000 വർഷങ്ങൾക്ക് അപ്പുറം പഴക്കമുണ്ട്.”

മാദ്രിയമ്മ പറയുന്നത് കേട്ട് ഇത്തവണ ഞെട്ടിയത് മഹിയാണ്.

ഏഹ് അതെങ്ങനെ ശരിയാകും?