?കരിനാഗം 8? [ചാണക്യൻ] 384

മഹി ഒരു ചിരിയോടെ തോൾ നീക്കി കാണിച്ചു.

വെടി കൊണ്ടതും അവിടെയായതിനാൽ അധികം തോൾ അനക്കാൻ ഒന്നും അവന് കഴിയുന്നുണ്ടായിരുന്നില്ല.

മാദ്രിയമ്മ അവന്റെ കയ്യിൽ പച്ച കുത്തിയതിൽ തന്നെ ദൃഷ്ടി പതിപ്പിച്ചു.

അവന്റെ കയ്യിലെ പട വാളിനെ ചുറ്റി വരിഞ്ഞ പാമ്പിന്റെ മുദ്ര കണ്ടതും മാദ്രിയമ്മയുടെ മുഖത്തു ആനന്ദം തെളിഞ്ഞു.

ചിതറി തെറിച്ചു കിടക്കുന്ന കരിനാഗ വംശ പരമ്പരയിലെ കണ്ണികളിൽ ഒരാളെ കൂടി പുതുതായി കണ്ടെത്തിയതിന്റെ ഉൾത്തുടുപ്പിൽ ആയിരുന്നു അവരുടെ മനസ്.

മാദ്രിയമ്മയുടെ കണ്ണുകൾ വിടർന്നത് യക്ഷമിയും പ്രത്യേകം ശ്രദ്ധിച്ചിരുന്നു.

“ഈ അടയാളം ഞാനെവിടെയോ കണ്ടതു പോലെ”

മാദ്രിയമ്മയുടെ ഓസ്കാർ അഭിനയം കണ്ടു യക്ഷമി വാ പൊളിച്ചിരുന്നു പോയി.

“കൊച്ചു കള്ളി”

അവൾ ചിരിയോടെ മനസിൽ പറഞ്ഞു

“എവിടെയാ കണ്ടത്?”

മഹിയുടേതായിരുന്നു ആ ചോദ്യം.

“പറയാം”

മാദ്രിയമ്മ പൊടുന്നനെ അവിടെയുള്ള തകര പ്പെട്ടികളും മരപ്പെട്ടികളും ഇരുമ്പു പെട്ടികളുമെല്ലാം ഓരോന്നായി പരതി ക്കൊണ്ടിരുന്നു.

എന്നാൽ അവരുടെ മനസിലുള്ളത് മാത്രം കയ്യിൽ തടഞ്ഞില്ല.