?കരിനാഗം 8? [ചാണക്യൻ] 384

കാളിയൻ ഘനഗാഭീര്യത്തോടെ പറഞ്ഞു..

“സർപ്പ രാജൻ……. ഭൂമിയിൽ നിന്നും ഞെട്ടിപ്പിക്കുന്ന ഒരു വാർത്ത ലഭിച്ചിട്ടുണ്ട്……. അത്‌ കൈമാറനാണ് നാം വന്നത്.”

അത്‌ കേട്ടതും എല്ലാവരുടെയും കണ്ണുകൾ അഞ്ചാലകനെ പൊതിഞ്ഞു.

കാരണം അയാൾ വാസ്തവവും ഉള്ളടക്കവുമുള്ള പ്രധാനപ്പെട്ട കാര്യങ്ങൾ പറയാനേ സർപ്പ സഭയിലേക്ക് ആഗതനാകാറുള്ളു…… അതും വളരെ അപൂർവമായി.

“എന്താണത് അഞ്ചാലകാ…?”

സഹികെട്ട ഒരു സർപ്പിനി അവിടുന്ന് വിളിച്ചു കൂവി.

അവൾ സുന്ദരിയായിരുന്നു.

“കരിനാഗ വംശത്തിലെ യുവരാജൻ ജാതനായിരിക്കുന്നു എന്നൊരു ആവിശ്വസനീയമായ വിവരം ലഭിച്ചിട്ടുണ്ട്……..ഭൂമിയിൽ അയാൾ സ്വതന്ത്രനായി വാഴുകയാണ്”

അഞ്ചാലകൻ പതിയെ പറഞ്ഞു.

“അസംഭവ്യം……… അത്‌ ഒരിക്കലും സാധ്യമാകുകയില്ല…….. ഇതിനു മുന്നേ ഇതുപോലെ എത്ര യുവരാജാക്കന്മാർ അനന്തനാഗത്തിന്റെ അവതാരമാണെന്ന് പറഞ്ഞു വന്നിരിക്കുന്നു……. അവരെയൊക്കെ ഒരു തൃണം പോലെ നമ്മൾ നിഷ്കരുണം വെട്ടി വീഴ്ത്തിയിട്ടുണ്ട്…… സർപ്പ ലോകത്ത് നാഗങ്ങൾക്ക് പ്രവേശനം നിഷിദ്ധമാണ്……അന്നും,ഇന്നും,എന്നും”

രോഷം കൊണ്ട് കാളിയന് വിറഞ്ഞു കയറി.

സിംഹസനത്തിന്റെ സ്വർണ കൈപ്പിടിയിൽ സർപ്പ രാജാവ് മുഷ്ടി ചുരുട്ടി ഇടിച്ചു.