?കരിനാഗം 8? [ചാണക്യൻ] 384

അത്രത്തോളം നിസ്സഹായത അവരെ ഒന്നാകെ പിടി മുറുക്കിയിരുന്നു.

യക്ഷമി ഒന്നും മിണ്ടാനാവാതെ മാതംഗിയുടെ മാറിലേക്ക് വീണ്ടും മുഖം പൂഴ്ത്തി.

മോക്ഷം തേടുന്ന കരിനാഗ വംശജർ.

ഉറ്റവരെയും ഉടയവരെയും അവർക്ക് തിരികെ കിട്ടുമോ?

നഷ്ട്ടപ്പെട്ട രാജ്യവും വീടും അവർ തിരികെ പിടിക്കുമോ?

കാത്തിരുന്നു കാണാം.
.
.
.
.
-മഹാതലം –

-കാളിയാനം പ്രാവിശ്യ-

പൊതുവായി നടക്കുന്ന സർപ്പ സഭയിൽ സിംഹസനത്തിൽ ഉപവിഷ്ടനായിരിക്കുകയാണ് കാളിയൻ സർപ്പം.

കൊട്ടാരത്തിലെ സഭാ ഇടനാഴിയുടെ ഒരറ്റത്തു സർപ്പ രാജാവ് പ്രൗഢിയോടെ ഇരിക്കുന്നു.

നല്ല തേജസുള്ള മുഖം.

ചുരുണ്ട മുടിയിഴകൾ.

കാപ്പി നിറമുള്ള കൃഷ്ണമണികൾ നേർത്തു നിൽക്കുന്നു.

ആരോഗ്യദൃഢഗാത്രൻ.

നീണ്ടു കിടക്കുന്ന ഉടലിൽ കുറച്ചു ഭാഗം സിംഹസനത്തിൽ താങ്ങി വച്ചിട്ട് ബാക്കിയുള്ളത് സിംഹസത്തിനു പുറത്തു തറയിൽ ചുരുട്ടി ക്കൂട്ടി വച്ചിരിക്കുന്നു.