?? അവൾ രാജകുമാരി-4 ?? [ ചെകുത്താനെ സ്നേഹിച്ച മാലാഖ ] 625

………………….

(വർത്തമാന കാലം)

“സർ …….. സർ …….. ”

ആരോ തട്ടി വിളിക്കുന്നത് കേട്ട് രാഹുൽ ഉറക്കം വിട്ട് ഉണർന്നു . തന്റെ ഓർമ്മകളിൽ നിന്ന് , ഭൂതകാലത്തിൽ നിന്ന് വർത്തമാന കാലത്തിലേക്ക് ……

രാഹുൽ പതിയെ ആ തടി കൊണ്ട് ഉണ്ടാക്കിയ ബഞ്ചിൽ എണീറ്റിരുന്നു . നോക്കിയപ്പോൾ തന്നെ ഇന്നലെ റൂമിൽ എത്തിച്ച റൂം ബോയിയാണ് തന്നെ ഉറക്കത്തിൽ നിന്ന് തട്ടി വിളിച്ചതെന്ന് അവന് മനസ്സിലായി . സമയം നന്നേ പുലർന്നിരുന്നു …. സൂര്യന്റെ കിരണങ്ങൾ മുഖത്ത് തട്ടിയപ്പോൾ രാഹുൽ ഒന്ന് കണ്ണുകൾ തിരുമ്മി …..

” സർ രാത്രി ഇവിടെയാണോ കിടന്നുറങ്ങിയത് . എന്താ സർ , റൂമിൽ എന്തെങ്കിലും പ്രോബ്ലളം ഉണ്ടോ …… ? ”
(ഹിന്ദിയിലാണ് സംസാരിച്ചത് മലയാളത്തിൽ എഴുതി എന്ന് മാത്രം തുടർന്നും അങ്ങനെയാണ് )

ആ റൂം ബോയ് അൽപം ടെൻഷനോടെ രാഹുലിനോട് ചോദിച്ചു …..

” ഏയ് ഒരു പ്രോബ്ലളവും ഇല്ല , ഇന്നലെ കിടന്നിട്ട് ഉറക്കം വരാത്തത് കാരണം ഇവിടെ വന്നിരുന്നതാ അറിയാതെ ഉറങ്ങിപ്പോയി …… ഐ ആം ഫൈൻ …. ”

രാഹുൽ ഒരു പുഞ്ചിരിയോടെ ആ റൂം ബോയിയോട് പറഞ്ഞ ശേഷം തന്റെ റൂം ലക്ഷ്യമാക്കി നടന്നു ……..

റൂമിൽ കയറി ഫ്രഷായി ഡ്രെസ്സ് ഒക്കെ മാറിയ രാഹുൽ റൂമിനുള്ളിലെ ചെയറിൽ ഇരുന്ന ശേഷം ഫോൺ കയ്യിൽ എടുത്തു . ഫോണിലെ ഗ്യാലറി ഓപ്പൺ ചെയ്ത ശേഷം രാഹുൽ കുറച്ച് ദിവസം മുൻപ് അതിൽ പകർത്തിയ ആ ഫോട്ടോ ഒന്ന് നോക്കി ……. ഇനിയും സംശയങ്ങൾ മാത്രം ബാക്കിയാക്കിയ ആ ഫോട്ടോ …….