💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

ഉടനെ രാഹുലിന്റെ തോളിൽ ഒരു കൈ വന്ന് പതിഞ്ഞു . പെട്ടെന്ന് രാഹുൽ ഒരു ഞെട്ടലോടെ തിരിഞ്ഞ് നോക്കി . ക്ഷേത്രത്തിൽ നിന്ന് തൊഴുത് ഇറങ്ങി വന്ന ഒരു ചെറുപ്പക്കാരൻ ആയിരുന്നു അത് .

” ചേട്ടൻ പേടിക്കണ്ട അതൊരു വട്ടനാ …. ദേഹ ഉപദ്രവം ഒന്നുമില്ല പക്ഷെ എന്തെങ്കിലും വിളിച്ച് പറഞ്ഞോണ്ട് നടക്കും ഇതു പോലെ …. വലിയ ദുർമന്ത്രവാദിയായിരുന്നു , പിന്നെ ആളുകളുടെ പ്രാക്കോ ദൈവകോപമോ അറിയില്ല അവസാനം ഈ അവസ്ഥയിൽ ആയി , മുഴുവട്ട് … അയാൾ ചേട്ടനോട് എന്തോക്കെ പറയുന്നതും ചേട്ടൻ അത് കേട്ട് പേടിച്ച് ഇരിക്കുന്നതും കണ്ടു അതു കൊണ്ട് വന്ന് പറഞ്ഞതാ , അയാൾ പറഞ്ഞതൊന്നും കാര്യമാക്കണ്ട …. എന്നാൽ ശരി …. ”

ആ യുവാവ് ഒരു പുഞ്ചിരിയോടെ പറഞ്ഞു , മറുപടിയായി രാഹുലും ഒന്ന് പുഞ്ചിരിച്ചു . ആ യുവാവ് അതും പറഞ്ഞ് കുറച്ച് അപ്പുറത്ത് ഇരുന്ന ബൈക്ക് ലക്ഷ്യമാക്കി നടന്നു . ഒടുവിൽ ബൈക്ക് സ്റ്റാർട്ട് ചെയ്ത് അയാൾ അവിടുന്ന് പോയി …..

രാഹുലിന്റെ മനസ്സിൽ അപ്പോഴും അയാൾ പറഞ്ഞ വാക്കുകൾ തന്നെയായിരുന്നു . അയാൾ എന്തുകൊണ്ടാണ് അങ്ങനെ വിളിച്ച് പറഞ്ഞത് എന്നുള്ള ചോദ്യം …..
മാത്രമല്ല അത് തന്നെ കുറിച്ചുള്ള കാര്യമാണ് എന്നുള്ള ഒരു തരം തോന്നലും .

രാഹുൽ നോക്കിയപ്പോൾ ക്ഷേത്രത്തിൽ നിന്ന് തൊഴുത് ഇറങ്ങി വരുന്ന ഗീതുവിനെ കണ്ടു . മുഖത്തെ സംശയഭാവം എല്ലാം മാറ്റി രാഹുൽ മുഖത്ത് ഒരു പുഞ്ചിരി ഭാവം വരുത്തിയ ശേഷം പാർക്കിങ് ഏരിയയിലേക്ക് പോയി , മനസ്സിൽ വന്ന സംശയങ്ങളും ചോദ്യങ്ങളും അവൻ മനസ്സിൽ തന്നെ മൂടിക്കെട്ടി വച്ചു , എന്നെങ്കിലും അതിന്റെ ഉത്തരം കിട്ടും എന്ന വിശ്വാസത്തിൽ . ഗീതു വന്ന് കാറിൽ കയറിയതും രാഹുൽ കാർ സ്റ്റാർട്ട് ചെയ്തു ശേഷം അവർ വീട്ടിലേക്കും ……..

……………………..