സുഹൃത്തുക്കളെ , 🙏………

ഈ പാർട്ട് അൽപം വേഗത കൂടിയതായി തോന്നിയാൽ ക്ഷമിക്കുക അതിന് കാരണമുണ്ട് അത് വഴിയേ മനസ്സിലാകും . ക്രിസ്തുമസ്സ് പ്രമാണിച്ച് ഒരു പാർട്ട് എഴുതി ഇടണം എന്ന് കരുതി വേഗം എഴുതിയതാണ് അതു കൊണ്ട് പേജ് കുറവായിരിക്കും ക്ഷമിക്കുക . ഈ പാർട്ടോടു കൂടി കഥ മറ്റൊരു ട്രാക്കിലേക്ക് മാറുകയാണ് . കഥ വായിച്ച് എന്തെങ്കിലും സംശയം തോന്നിയാൽ ആദ്യ പാർട്ടിന്റെ ആദ്യ പകുതി ഒന്ന് വായിക്കുന്നത് നന്നായിരിക്കും ….

എന്നാൽ തുടങ്ങട്ടെ , ………

എല്ലാ വായനക്കാർക്കും സ്നേഹം നിറഞ്ഞ ഒരു ക്രിസ്തുമസ് ദിനവും പുതുവർഷവും ആശംസിക്കുന്നു 

💞 അവൾ രാജകുമാരി – 4💞
Aval Raajakumaari Part 4 | Author : 💞 VICHU[ ചെകുത്താനെ സ്നേഹിച്ച മാലാഖ ] 💞  inPrevious Part

……………………………………….

ആദിഷ അവൾ ഒരു കൊടും കാട്ടിലൂടെ വഴിയറിയാതെ ഓടുകയാണ് . അവൾ ധരിച്ചിരിക്കുന്നത് വില കൂടിയ രാജകീയ വസ്ത്രം , അണിഞ്ഞിരിക്കുന്ന ആഭരണങ്ങൾ അത് വിശേഷപ്പെട്ട രത്നങ്ങളാൽ നിർമ്മിക്കപ്പെട്ടവ . ആ കാട്ടിലൂടെ വഴിയറിയാതെ ഓടിക്കൊണ്ടിരുന്ന അവൾ പെട്ടെന്ന് എന്തോ കണ്ട് പേടിച്ച് നിന്നു , അൽപം ദൂരെ മുൻപിൽ നിൽക്കുന്ന മരണത്തെ കണ്ട് . അവളുടെ മുഖത്ത് മുഴുവൻ മരണ ഭയം വന്ന് നിറഞ്ഞു . ആ ഭയം കാരണം ഒരു ശബ്ദവും അവളുടെ നാവിൽ നിന്ന് പുറത്തേക്ക് വന്നില്ല . നാവിൽ ആരോ കടിഞ്ഞാൺ ഇട്ടപോലെ . ആ മരണം അവളെ ഒന്ന് നോക്കിയ ശേഷം അവളുടെ അടുത്തേക്ക് പതിയെ നടന്ന് വന്നു . അതിന്റെ കണ്ണുകളിൽ തന്റെ വിശപ്പ് അടക്കാൻ ഒരു ഇരയെ കിട്ടിയ സന്തോഷം ഉണ്ടായിരുന്നു . അതിന്റെ മുഖത്ത് വായുടെ ഭാഗം മുഴുവൻ രക്തക്കറ പറ്റിപ്പിടിച്ചിരിക്കുന്നു , ആരെയും ഭയപ്പെടുത്തുന്ന മുഖഭാവം . ഭയം കാരണം അവൾക്ക് ഒരടി പോലും പുറകോട്ട് വയ്ക്കാൻ സാധിക്കാത്ത അവസ്ഥ . അവൾ അങ്ങനെ സതംഭിച്ചു നിൽക്കുകയാണ് . അത് അവളുടെ അടുത്തേക്ക് പതിയെ നടന്നടുത്തു ഒരു ക്രൂരമായ ഭാവത്തോടെ .