?? അവൾ രാജകുമാരി-4 ?? [ ചെകുത്താനെ സ്നേഹിച്ച മാലാഖ ] 625

രാഹുലിന്റെ മനസ്സിൽ വന്ന് നിറഞ്ഞത് ഒരു കൂട്ടം ചോദ്യങ്ങളാണ് .

‘അവളുടെ മുഖം കാണുമ്പോഴേ ഭയം ഇരച്ചു കയറുന്ന ഞാൻ എങ്ങനെ അവളെ പ്രേമിക്കാനാണ് … ഇല്ല എനിക്കതിന് പറ്റില്ല …. അവളെ കണ്ടതു മുതൽ തുടങ്ങിയതാണ് എന്നിലെ മാറ്റങ്ങൾ , ഉള്ളിലെ ഭയം …. ഇല്ല ….. ‘

രാഹുൽ മനസ്സിൽ ഓരോന്ന് ചിന്തിച്ച് കൂട്ടി ….. അവന്റെ ഹൃദയമിടിപ്പ് പതിയെ കൂടി വന്നു ശരീരം വലിഞ്ഞ് മുറുകുന്ന പോലെ . ഞരമ്പിലൂടെ ഒഴുകുന്ന രക്തത്തിന്റെ ചൂട് വർദ്ധിക്കുന്നത് അവൻ അറിഞ്ഞു . ദേഷ്യവും അതിലുപരി ഭയവും അവന്റെ ഉള്ളിൽ നുര പൊന്തി വന്നു . ഇരുകണ്ണുകളും പതിയെ രക്ത വർണ്ണമാവാൻ തുടങ്ങി . അവൻ മറ്റൊരു അവസ്ഥയിലേക്ക് മാറ്റപ്പെട്ടു …..

ഒരാൾ നടന്നു വരുന്ന കാലൊച്ച കേട്ട് രാഹുൽ അങ്ങോട്ട് നോക്കി . ആദിഷ അൽപം പേടിയോടെ എന്നാൽ അതിലുപരി ടെൻഷനോടെ കയിലെ ഞെട്ടിയൊക്കെ ഞൊടിച്ച് പതിയെ നടന്ന് വരുന്നത് രാഹുൽ കണ്ടു …. രഹുൽ രണ്ട് കൈമുട്ടും കാലിൽ താങ്ങി തല കുനിച്ച് ആ കരിങ്കൽ കെട്ടിൽ ഇരുന്നു ……

” അതെ രാഹുലേട്ടാ…… ”

ആദിഷയുടെ ഇമ്പമാർന്ന സ്വരം അവന്റെ കാതുകളിൽ വന്ന് പതിഞ്ഞു . അത് കേട്ടതും രാഹുലിന്റെ ഉളളിലെ ഭയം കൂടി …. ഒപ്പം ദേഷ്യവും …..

” എന്താ തനിക്ക് പറയാൻ ഉള്ളത് …..? ”

രാഹുൽ അങ്ങനെ നിലത്തേക്ക് തന്നെ നോക്കി ഇരുന്ന് കൊണ്ട് ആദിഷയോട് ചോദിച്ചു.

” അത് എട്ടാ ….. എനിക്ക് ….. എനിക്ക് ഏട്ടനെ ഇഷ്ടമാണ് ….. ”

അത് പറഞ്ഞപ്പോൾ ഭയം കൊണ്ടോ ഇത്രയും കാലം ഉള്ളിലൊതുക്കിയ സത്യം പറഞ്ഞതു കൊണ്ടാണോ എന്ന് അറിയില്ല അവളുടെ ശബ്ദം ഇടറുന്നുണ്ടായിരുന്നു ……