💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

” ഉം …. എനിക്ക് തോന്നി . ചേട്ടായി ഞാൻ ഒരു കാര്യം ചോദിച്ചാൽ സത്യം പറയണം ….. ”

ഗീതു രാഹുലിനോട് പറഞ്ഞു .

” ഞാൻ എന്തിനാ നിന്നോട് നുണ പറയുന്നത് നീ ചോദിക്ക് ”

രാഹുൽ പറഞ്ഞു .

” രണ്ട് മൂന്ന് ദിവസമായി ചേട്ടായിക്ക് നല്ല മാറ്റം ഒരു മൂഡ് ഔട്ട്‌ പോലെ , എന്താ കാരണം . അങ്ങനെ തോന്നിയത് കൊണ്ടാ ചേട്ടായിയെയും കൂട്ടി ഇന്ന് ക്ഷേത്രത്തിലേക്ക് പോകാം എന്ന് കരുതിയത് …… എന്താ ചേട്ടായി പ്രശ്നം ……? ”

ഗീതു രാഹുലിനോട് ചോദിച്ചു.

” ഗീതു എനിക്ക് കുഴപ്പമൊന്നുമില്ല , പിന്നെ രണ്ട് മൂന്ന് ദിവസമായി ചില ദു:സ്വപ്നങ്ങൾ കാണുന്നു കാരണം എന്താണെന്ന് അറിയില്ല . ചിലപ്പോൾ അതൊക്കെ ഓർമ്മയിൽ കയറി വരും . അതാ ചിലപ്പോഴക്കെ മൂഡ് ഓഫാവാൻ കാരണം… ”

രാഹുൽ പറഞ്ഞു .

“മ് …. അത് എങ്ങനെയാ …… ദൈവ വിശ്വാസം വേണം….. ഇടയ്ക്കൊക്കെ ക്ഷേത്രത്തിൽ പോയി പ്രാർത്ഥിക്കണം . മാസത്തിൽ ഒന്നോ രണ്ടോ വട്ടം എന്റെ കൂടെ ക്ഷേത്രത്തിൽ വരുന്നതല്ലാതെ വേറെ ഒരിടത്തും ചേട്ടായി പോകാറില്ലല്ലോ …. ഇത് തന്നെ ദൂരം കൂടുതലായത് കൊണ്ട് എനിക്ക് കൂട്ട് വരുന്നതല്ലേ ….. ”

ഗീതു ചെറിയ ദേഷ്യത്തോടെ അതും പറഞ്ഞ് പുറത്തെ കാഴ്ചകളിലേക്ക് നോട്ടം മാറ്റി . ഗീതു പറയുന്നത് കേട്ട രാഹുൽ ഒന്ന് പുഞ്ചിരിച്ച ശേഷം കാറിന്റെ വേഗത അൽപം കൂടെ കൂട്ടി …….

………………

ഒന്നര മണിക്കൂർ കൊണ്ട് അവരുടെ കാർ ക്ഷേത്ര കോമ്പോണ്ടിന്റെ പുറത്ത് എത്തി . സിറ്റിയിൽ നിന്ന് മാറി ഒരു ഗ്രാമപ്രദേശം പോലെ തോന്നിപ്പിക്കുന്ന ഇടം . അധികം തിരക്കും ഇല്ല , ചുറ്റും പാടവും പച്ചപ്പും മാത്രം …

കാർ പാർക്ക് ചെയ്ത ശേഷം രാഹുലും ഗീതുവും ക്ഷേത്രത്തിനുള്ളിലേക്ക് കയറി . രാഹുൽ വേഗം പ്രാർത്ഥിച്ച ശേഷം പുറത്ത് ഇറങ്ങി . രാഹുൽ അങ്ങനെയാണ് ഇത്തരം കാര്യങ്ങൾക്ക് അധികം സമയം ചിലവഴിക്കുന്നത് ഇഷ്ടമല്ലാത്ത പ്രകൃതം . ഗീതു വഴിപാട് നടത്തി അതിന്റെ പ്രസാദം വാങ്ങാൻ വേണ്ടി ക്ഷേത്രത്തിനുള്ളിൽ തന്നെ നിന്നു .