💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

അങ്ങനെ ചില ദിവസങ്ങൾ കടന്നുപോയി . ഇതിനിടയിൽ ഫ്രഷേസ് ഡേ നല്ല രീതിയിൽ തന്നെ നടന്നു. താൻ സ്വപ്നം കാണുന്നത് രാഹുലിനെയാണ് എന്ന് മനസ്സിലാക്കിയ ആദിഷ വളരെ ഹാപ്പി ആയിരുന്നു പക്ഷെ അതോടൊപ്പം അവളുടെ മനസ്സിൽ ഒരു കൂട്ടം ചോദ്യങ്ങളും ഉണ്ടായിരുന്നു , ഉത്തരം കിട്ടാത്ത ചോദ്യങ്ങൾ . രാഹുലിനെ കാണണം എങ്ങനെയും നല്ല പോലെ പരിജയപ്പെടണം സംസാരിക്കണം എന്ന് പലപ്പോഴും ആദിഷ മനസ്സിൽ വിജാരിക്കുമെങ്കിലും അവൾക്ക് അതിന് കഴിഞ്ഞില്ല , രാഹുലിന്റെ ഒഴിഞ്ഞ് മാറ്റവും അതിന് കാരണമായി . രാഹുലിനെ കാണാൻ ഇത്ര അധികമായി ആഗ്രഹിക്കുന്നതിന്റെ കാരണം അവൾക്ക് പോലും അറിയില്ലായിരുന്നു . തന്നെ അദൃശ്യമായ മറ്റെന്തോ നിയന്ത്രിക്കുന്നത് പോലെയാണ് അവൾക്ക് പലപ്പോഴും തോന്നിയിട്ടുള്ളത് ….

……………

ചില ദിവസങ്ങൾക്ക് ശേഷം ,
കോളേജ് ക്യാമ്പസ്

ഇന്റർവെല്ലിന് രാഹുലും ഫ്രണ്ട്സും ക്യാന്റീനിൽ ഇരിക്കുകയായിരുന്നു . അപ്പോഴാണ് ഗീതുവും ആദിഷയും അവിടെ വന്നത് അവർ സ്ഥിരം സീറ്റിൽ ഇരുപ്പ് പിടിച്ചു …. ആദിഷയുടെ മുഖത്ത് അൽപം ടെൻഷനും പേടിയും ഉണ്ടായിരുന്നു ….

” എടാ …. രാഹുലേ നീ ഒന്നിങ്ങു വന്നേ ….. ”

നൗഫൽ രാഹുലിനോട് പറഞ്ഞു .

“എന്താടാ എന്താ കാര്യം ?”

രാഹുൽ നൗഫലിനോട് ചോദിച്ചു.

” നീ ഒന്ന് വാ ….. ”

അത്രയും പറഞ്ഞ് രാഹുലിന്റെ അടുത്ത് ഇരുന്ന നൗഫൽ രാഹുലിനെയും കൂട്ടി ക്യാന്റീന് പുറത്തേക്ക് ഇറങ്ങി.

കോളേജിനകത്തെ ഒരു തണൽ മരത്തിന്റെ ചുവട്ടിലെ കരിങ്കൽ കെട്ടിൽ നൗഫൽ പോയി ഇരുന്നു ഒപ്പം രാഹുലും .

” എന്താടാ എന്താ കാര്യം ? ”

രാഹുൽ നൗഫലിനോട് ചോദിച്ചു.