💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

രാഹുൽ വീടിനുള്ളിലേക്ക് കയറി വരുന്നത് കണ്ട ഉടനെ ഗീതു പറഞ്ഞു.

” ഇന്ന് സെക്കന്റ് സാറ്റർഡെ അല്ലെ …. ക്ഷേത്രത്തിൽ തനിയെ പോയൽ മതി എനിക്ക് ക്ലബിൽ പോകണം കൂടാതെ വേറെ പ്രോഗ്രാമും ഉണ്ട് . തൽക്കാലം ഇവിടെ അടുത്തുള്ള ക്ഷേത്രത്തിൽ പൊയ്ക്കോ… ശ്രീകൃഷ്ണ ക്ഷേത്രത്തിൽ പിന്നീട് ഒരു ദിവസം പോകാം ….. ”

രാഹുൽ ഗീതുവിനോട് പറഞ്ഞു.

“അമ്മേ …….. അതേ….. ചേട്ടായി എന്നോടൊപ്പം ക്ഷേത്രത്തിലേക്ക് വരുന്നില്ല എന്ന് … ക്ലബ്ബിൽ പോകണം പോലും … ”

ഗീതം ഉടനെ അടുക്കള വാതിൽ ലക്ഷ്യമാക്കി വിളിച്ചു പറഞ്ഞു . കേൾക്കേണ്ട താമസം ശ്രീദേവി അവിടെ പ്രത്യക്ഷപ്പെട്ടു കയ്യിൽ ചട്ടുകവും ഉണ്ട് . അമ്മയുടെ കയ്യിൽ ഇരുന്ന സാധനം കണ്ടതും രാഹുൽ ഒന്ന് പരുങ്ങി .

” എന്താടാ നീ ക്ഷേത്രത്തിൽ പോകുന്നില്ലേ ……?”

ശ്രീദേവി ഉടനെ കയ്യിലെ ചട്ടുകം രാഹുലിന് നേരെ ചുണ്ടിക്കൊണ്ട് ചോദിച്ചു.

അത് കണ്ടതും കുട്ടിക്കാലത്ത് പറയുന്നത് അനുസരിക്കാത്തതിന് അമ്മ ചട്ടുകം ചൂടാക്കി ചെറുചൂടിൽ തുടയിൽ വയ്ക്കുന്നത് രാഹുൽ ഒരു നിമിഷം ഓർത്തു

” പോവാം …. ഞാൻ പോവുന്നില്ല എന്ന് പറഞ്ഞില്ല . അമ്മേ …… ഇവൾ വെറുതേ പറഞ്ഞതാ … ”

രാഹുൽ ഉടനെ പ്ലേറ്റ് തിരിച്ച് പറഞ്ഞു .

ശ്രീദേവി രാഹുലിനെ ഒന്ന് നോക്കിയ ശേഷം തിരിച്ച് അടുക്കളയിലേക്ക് പോയി . നോക്കിയപ്പോൾ ഗീതു വാ പൊത്തി ഇരുന്ന് ചിരിക്കുകയാണ് .

” എടീ കുരുപ്പേ നിനക്ക് വച്ചിട്ടുണ്ട് … നോക്കിക്കോ ….. ”

രാഹുൽ ഗീതുവിനോട് പറഞ്ഞു .