?? അവൾ രാജകുമാരി-4 ?? [ ചെകുത്താനെ സ്നേഹിച്ച മാലാഖ ] 625

” എടാ നീ പറയുന്നുണ്ടോ ഒരുമാതിരി മനുഷ്യനെ വട്ട് പിടിപ്പിക്കാതെ …… ”

രാഹുൽ അൽപം ചൂടായി …

” എട പൊട്ടാ അവൾക്ക് ആദിഷയ്ക്ക് നിന്നെ ഇഷ്ടമാണെന്ന് ….. ഒന്ന് പറഞ്ഞ് രണ്ടാമത്തതിന് തല്ലാൻ കൈ ഓങ്ങുന്ന നിന്റെ ഇടത്ത് അവൾ ഇത് എങ്ങനെ വന്ന് പറയാനാ …. നിന്നെ ഇഷ്ടമാണെന്ന് അവൾ പറഞ്ഞതല്ല ഞാൻ കണ്ടുപിടിച്ചതാ … ഇന്ന് ഞാനവളോട് ചോദിച്ചപ്പോൾ അവൾ സമ്മതിക്കുകയും ചെയ്തു …. ഇങ്ങനെ ഒരു വെട്ട് പോത്ത് …. ”

നൗഫൽ രാഹുലിന്റെ മുഖത്ത് നോക്കി പറഞ്ഞ ശേഷം മുഖം തിരിച്ച് ഇരുന്നു . നൗഫൽ പറഞ്ഞത് കേട്ട രാഹുലിന്റെ നെഞ്ച് ഒന്ന് നടുങ്ങി …..

” നീ എങ്ങനെ കണ്ടുപിടിച്ചു എന്ന് ….. ?”

രാഹുൽ ഒരു മങ്ങിയ സ്വരത്തിൽ നൗഫലിനോട് ചോദിച്ചു……

“എടാ …….. നിന്നെ കാണുമ്പോൾ അവൾ നിന്ന് പരുങ്ങുന്നതും നാണം കലർന്ന് ചിരിക്കുന്നതും ഉച്ചയ്ക്ക് ക്യാന്റീനിൽ കഴിച്ചോണ്ട് ഇരിക്കുന്ന നേരത്ത് നിന്നെ ഒളികണ്ണിട്ട് നോക്കുന്നതും മറ്റുള്ളവർ കണ്ടില്ല എങ്കിലും ഞാനിതെല്ലാം കാണുന്നുണ്ടായിരുന്നു . ഇതിന് ഒരു അവസാനം വേണ്ടേ … അതുകൊണ്ടാ ഞാൻ അവളോട് ഡയറക്ടായി കാര്യം ചോദിച്ചത് ആദ്യം ഒന്ന് പരുങ്ങി എങ്കിലും പിന്നീട് അവൾ സമ്മതിച്ചു. ഉള്ള കാര്യം എന്നോട് അവൾ പറയുകയും ചെയ്തു . ഞാൻ അവളെ ഇങ്ങോട്ട് പറഞ്ഞ് വിടും അവൾക്ക് പറയാനുള്ളത് കേട്ട് നീ ഒരു തീരുമാനം എടുക്കണം . ഇതൊരുമാതിരി അവാർഡ് സിനിമ കാണുന്ന പോലെ കുറച്ച് ദിവസമായി സഹിക്കുന്നു . ”

നൗഫൽ അതും പറഞ്ഞ് രാഹുലിന്റെ മറുപടിക്ക് കാത്ത് നിൽക്കാതെ ക്യാന്റീൻ ലക്ഷ്യമാക്കി നടന്നു .