💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

ആദിഷയുടെ ഉള്ളിൽ എന്തെന്നില്ലാത്ത സന്തോഷം വന്ന് നിറഞ്ഞു . അവൾ റൂമിലെ ലൈറ്റ് ഇട്ടശേഷം ടേബിളിന് മുൻപിൽ ഇരുന്ന ശ്രീകൃഷ്ണ വിഗ്രഹത്തിന് മുൻപിൽ പോയി കൈ കൂപ്പി …

” ഒടുവിൽ ആ മുഖം കാണിച്ചു തന്നു അല്ലേ കള്ള കണ്ണാ …… എനിക്ക് ഒരുപാട് സന്തോഷം ആയി , താങ്ക്സ് ഉണ്ട് ട്ടോ ……….. എന്നാലും എന്തിനാ ഞാൻ ഇങ്ങനെ സ്വപ്നം കാണുന്നേ….. വർഷങ്ങൾക്ക് മുൻപേ തന്നെ എന്റെ സ്വപ്നത്തിൽ എങ്ങനെ രാഹുലേട്ടൻ വന്നു . രാഹുലേട്ടൻ ആരാ ? ഞാനും രാഹുലേട്ടനും തമ്മിൽ എന്താ ബന്ധം ? എന്റെ മനസ്സ് എന്തിനാ രാഹുലേട്ടനെ കാണണം എന്ന് പറയാൻ കാരണം ? എന്താ കള്ള കണ്ണാ ഇതിന്റെയൊക്കെ അർത്ഥം , അതും കൂടെ പറഞ്ഞ് താ ? ”

അവൾ മനസ്സിൽ വന്ന സന്തോഷം മുഴുവൻ മയിൽപ്പീലി ചൂടി നിന്ന ആ കണ്ണനോട് പറഞ്ഞു , കൂടെ ഒരുപാട് ചോദ്യങ്ങളും .

…………………………

ഇതേ സമയം രാഹുലിന്റെ റൂമിൽ …..

രാഹുൽ വീണ്ടും ഇന്നലെ കണ്ട ആ സ്വപ്നം വീണ്ടും കണ്ട് ഞെട്ടി ഉണർന്നു . ക്രമാതീതമായി കൂടിയ നെഞ്ചിടിപ്പും ഭയവും കാരണം അവൻ ഒരുപാട് നേരം ബെഡ്ഡിൽ എണ്ണീറ്റ് ഇരുന്നു . പതിയെ ഭയം മാറി ശരീരം പഴയ അവസ്ഥയിൽ ആയപ്പോൾ ബെഡ്ഡിൽ നിന്ന് എണീറ്റ് ജഗ്ഗിൽ ഇരുന്ന വെള്ളം എടുത്ത് കുടിച്ച ശേഷം വീടിന് പുറത്തിറങ്ങി . കാലിൽ ഷൂ എടുത്ത് ധരിച്ച ശേഷം രാഹുൽ പതിവ് പോലെ ഓടാനായി പോയി …..

…………………………………………

ഏഴ് മണിയോടെ രാഹുൽ തിരിച്ച് വീട്ടിൽ എത്തി . വീടിനുള്ളിലേക്ക് കയറിയപ്പോൾ സാരിയൊക്കെ ഉടുത്ത് റെഡിയായി സെറ്റിയിൽ ഇരുന്ന് ചായയും കുടിച്ച് ഒപ്പം പത്രവും വായിക്കുന്ന ഗീതുവിനെയാണ് കണ്ടത് .

” ആ എത്തിയോ …… വേഗം പോയി കുളിച്ച് റെഡിയായി വന്നേ എനിക്ക് ക്ഷേത്രത്തിൽ പോകണം …. ”