💞💞 അവൾ രാജകുമാരി-4 💞💞 [ ചെകുത്താനെ സ്നേഹിച്ച മാലാഖ ] 624

ഉടനെ പെട്ടെന്ന് അയാൾ രാഹുലിന്റെ രണ്ട് കരണത്തും തന്റെ രണ്ടു കൈകളും ശക്തമായി പിടിച്ച ശേഷം രാഹുലിന്റെ മുഖം അയാളുടെ മുഖത്തിന് നേരെ പിടിച്ചു അതിന് ശേഷം ഒരു നിമിഷം അയാൾ രാഹുലിന്റെ കണ്ണുകൾ സൂക്ഷമായി നോക്കി . പെട്ടെന്നുള്ള അയാളുടെ പ്രവർത്തിയിൽ രാഹുൽ ഒരു നിമിഷം നിശ്ചലനായിപ്പോയി .

രാഹുൽ സത്യത്തിൽ ഒന്ന് പേടിച്ചു . അവൻ അവിടുന്ന് എണീക്കാൻ ശ്രമിച്ചു . ഉടനെ അയാൾ തന്റെ കൈകൾ രാഹുലിന്റെ മുഖത്ത് നിന്ന് മാറ്റി , പതിയെ അയാളുടെ മുഖത്ത് പുഞ്ചിരി വന്നു അത് ഒരു അട്ടഹാസമായി മാറി ….

” ഹ …… ഹാ ……. ഹ ……… ഹാ ….
നീ ……. നീ ……വീണ്ടും വന്നു അല്ലേ …….. ഹ ….. ഹ…….

പക്ഷെ വിധി ….. വിധി …. നിനക്ക് ഇപ്പോഴും എതിരാണ് …… ശനി …… ശനി ……നിന്റെ ഒപ്പം ഉണ്ട് ……..
ചതി ….. ചതി ….. ഒരു നാൾ നിനക്ക് എല്ലാം നഷ്ടപ്പെടുത്തിയ ചതി …… അത് ആവർത്തിക്കും . മരണം അത് നിന്റെ കൂടെ ഉണ്ട് …… കാലം കാലത്തിന്റെ കയ്യിലെ വെറും ഒരു കളിപ്പാട്ടം മാത്രമാണ് നീ …….
ഇപ്പൊ നിനക്ക് ഒന്നും മനസ്സിലാകില്ല …. അതിന് നീ കടൽ താണ്ടി പോകണം , ലോകത്തിന്റെ മറ്റൊരു കോണിലേക്ക് …….. കാലചക്രം ഇനിയും പല തവണ കറങ്ങണം ……. ഹ ……. ഹ………… നിനക്ക് ഈ ജന്മത്തിലും നഷ്ടം മാത്രമേ ഉണ്ടാകൂ ….. ചരിത്രം അത് ആവർത്തിക്കാൻ ള്ളതാണ് …….. ഹ ……… ഹ ……. ഹാ……….. ഈ ജന്മത്തിലും നിനക്ക് നേടിയെടുക്കാൻ പറ്റില്ല അതിനു മുൻപേ ……… നീ ……… നീ ……… ഹ……. ഹ …….”

അയാൾ രാഹുലിന്റെ മുഖത്ത് നോക്കി പലതും വിളച്ചു പറഞ്ഞു , ഒപ്പം ആരെയും ഭയപ്പെടത്തുന്ന അട്ടഹാസവും ….. വീണ്ടും കുറേ അട്ടഹാസം മുഴക്കിയ ശേഷം അയാൾ അവിടുന്ന് നടന്ന് നീങ്ങി . അയാളുടെ മുഖത്ത് അപ്പോൾ മരണം വിതയ്ക്കുന്ന ഒരു തരം ഭാവം ആയിരുന്നു , ഒരു തരം രൗദ്രഭാവം . ഇതെല്ലാം കണ്ടും കേട്ടും ഇരുന്ന രാഹുൽ ഒന്നും മനസ്സിലാകാതെ നടന്നു പോയ അയാളെ തന്നെ നോക്കി ഇരുന്നു അൽപം പേടിയോടെ .