💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

” ഉം …. ആ ബിൽഡർ ചെറിയാന്റെ മോനല്ലേ … അങ്ങേർ കോളേജിൽ വന്നിട്ട് എന്തായി …..? ”

കൃഷ്ണമൂർത്തി രാഹുലിനോട് ചോദിച്ചു .

” എന്താവാൻ വന്ന പോലെ തന്നെ തിരിച്ച് പോയി …. ഞാൻ അന്ന് അച്ഛനോട് സംശയം പറഞ്ഞ ആ രണ്ട് കാര്യവും ശരിയായിരുന്നു . കൃത്യം എവിഡൻസ് ഒക്കെ ഞാൻ കളക്റ്റ് ചെയ്തിട്ടുണ്ട് . അത് പുറത്ത് പറയും എന്ന് പറഞ്ഞപ്പോൾ അയാൾ വാലും മടക്കി തിരിച്ച് പോയി …. ”

രാഹുൽ മറുപടി പറഞ്ഞു.

” മ് …… ഇനി എന്താ പ്ലാൻ ആ എവിഡൻസ് കയ്യിൽ വച്ചിരുന്നാൽ മാത്രം മതിയോ ന്യൂസ് ആക്കണ്ടേ …. അവന്മാർ തെറ്റ് ചെയ്തതല്ലേ അപ്പൊ നിയമത്തിന്റെ മുൻപിൽ കൊണ്ട് വരണ്ടേ…… ?”

കൃഷ്ണ മൂർത്തി രാഹുലിനോട് ചോദിച്ചു .

” അച്ഛാ അതിന് സമയം ആയിട്ടില്ല . ആ മാൾ പണി പൂർത്തിയാവാൻ ഇനിയും നാലഞ്ച് വർഷം പിടിക്കും . ഇപ്പൊ അതിടിച്ച് നിരത്തിയാൻ ചെറിയാന് 75 % നഷ്ടമേ ഉണ്ടാകു . എന്തായാലും അതിന്റെ ഉൽഘാടനം കഴിയട്ടെ അപ്പോഴേക്കും ഞാൻ ഹയർസ്റ്റഡി കഴിഞ്ഞ് നല്ലൊരു മീഡിയയിൽ അപ്പോയിന്റ് ആകും അപ്പൊ ഞാൻ ഈ രണ്ട് കേസും കുത്തിപ്പൊക്കും . അച്ഛനെയും മകനെയും ഒരുമിച്ച് ജയിലിൽ അയയ്ക്കാം . ഞാൻ ഈ ന്യൂസ് / എവിഡൻസ് റിലീസ് ചെയ്യുമ്പോ എനിക്ക് നല്ല ഓപ്പർച്യൂനിറ്റി കിട്ടും ഹൈ ലവലിലേക്ക് …… ”

രാഹുൽ പറഞ്ഞ് നിർത്തി …

“മ് ……. അത് മതി ….. നീ കഷ്ടപെട്ട് കണ്ട്പിടിച്ചത് മറ്റുള്ളവന്മാർ കൊണ്ട് പോകണ്ട …. നിന്റെ ഇഷ്ടം . ഞാനൊന്ന് കുളിക്കട്ടെ … ”

കൃഷ്ണമൂർത്തി അത്രയും പറഞ്ഞ് എണീറ്റ് റൂം ലക്ഷ്യമാക്കി നടന്നു .

രാഹുലും ഗീതുവും കുറച്ച് നേരം ടി.വി കണ്ട ശേഷം രാത്രി ആഹാരവും കഴിച്ച് റൂമുകളിലേക്ക് പോയി .