💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

 

” അനാസെ സ്റ്റുഡൻസിനോട് കാര്യം പറ ഡീറ്റൈൽ ആയി. ”

 

രാഹുൽ അനാസിനോട് പറഞ്ഞു.

 

” എടാ ….. നീ …. അത് …. ഞാൻ ….. ”

 

” ബ ബ്ബ ബ്ബ അല്ല . എടാ സംസാരിക്ക് . ബാക്കി ഉള്ളടത്ത് സംസരിച്ച് എന്റെ വായിലെ വെള്ളം വറ്റി അതുകൊണ്ടാ . ”

 

രാഹുൽ മന:പൂർവ്വം പറഞ്ഞ് ഒഴിഞ്ഞ് മാറി കാരണം ഉളളിലെ ഭയം ചിലപ്പോൾ വാക്കുകളിലൂടെ പുറത്ത് വരും .

 

രാഹുൽ അത് പറഞ്ഞതും അനാസ് കാര്യങ്ങൾ അവതരിപ്പിച്ചു . അതിന് ശേഷം പ്രോഗ്രാം അവതരിപ്പിക്കാൻ താൽപര്യം ഉള്ളവരോട് എണീക്കാൻ പറഞ്ഞു , പക്ഷെ ആരും എണീറ്റില്ല .

 

” അനാസെ കൊള്ളാം നല്ല മോട്ടിവേഷൻ ആരും എണീറ്റിട്ടില്ല …. ”

 

നൗഥൽ വാ പൊത്തി ചിരിച്ചു കൊണ്ട് അനാസിനോട് പറഞ്ഞു . അനാസ് വീണ്ടും നൗഥലിന്റെ കാലിൽ ആഞ്ഞ് ചവിട്ടി .

 

” എടാ എഴുത് ഗീതു – ക്ലാസ്സിക്കൽ ഡാൻസ് ” .

 

ആരും എണീക്കാത്തത് കാരണം രാഹുൽ ഉടനെ പറഞ്ഞു , വിഷ്ണു അത് പേപ്പറിൽ കുറിച്ചു .

 

രാഹുൽ അത് പറയുന്നത് കേട്ടതും ചെറിയ ഒരു ദേഷ്യത്തോടെ ഗീതു രാഹുലിനെ നോക്കി ഇതു കണ്ട ആദിഷ ഇരുന്ന് ചിരിക്കാനും അത് കണ്ടതും ഗീതു ചാടി എണീറ്റു .

 

” ചേട്ടായി … ആദിഷ – ഇവൾ ഹിന്ദി സിനിമ പാട്ട് പാടും ”

 

ഗീതു ഉടനെ പറഞ്ഞു അത് കേട്ടതും ആദിഷ ഒന്ന് ഞെട്ടി .

 

” വിഷ്ണൂ…. എഴുതിക്കൊ ….. ”

 

രാഹുൽ പറഞ്ഞതും വിഷ്ണു ഉടനെ അത് പേപ്പറിൽ ആക്കി .

 

ആദിഷ ഗീതുവിനെ രൂക്ഷമായി ഒന്ന് നോക്കിയ ശേഷം മുഖത്ത് കയ്യും കൊടുത്ത് ഇരുന്നു . വേറെയും രണ്ട് മൂന്ന് പ്രോഗ്രാം കൂടെ ബോയ്സിന്റെ ഭാഗത്ത് നിന്ന് പറഞ്ഞു അതും എഴുതിയെടുത്ത ശേഷം അവർ ക്ലാസ്സിന് പുറത്തേക്ക് ഇറങ്ങി . രാഹുലിന് അപ്പോഴും പഴയ അവസ്ഥ തന്നെയായിരുന്നു , ഒരു തരം മരവിച്ച അവസ്ഥ .