💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

കണ്ണ് അടച്ചതും സെക്കന്റുകൾ കൊണ്ടാണ് രാഹുൽ ആ കാഴ്ച അല്ല ആ സ്വപ്നം കണ്ടത് . രാഹുൽ ഞെട്ടി ഉടനെ കണ്ണുകൾ തുറന്നു .അവൻ വല്ലാതെ കിതയ്ക്കുന്നുണ്ട് , അതുപോലെ ഉള്ളിൽ നല്ല പേടിയും , ഹൃദയം പെരുമ്പറ കണക്കെ മിടിക്കാൻ തുടങ്ങി. ബാത്ത്റൂമിന്റെ ചുവരിൽ ഒട്ടിച്ച് വച്ചിരിക്കുന്ന കണ്ണാടിയിലേക്ക് അവൻ തന്റെ മുഖം നോക്കി കടും നീല നിറമുള്ള തന്റെ കൃഷ്ണമണി പോയിട്ടുള്ള കണ്ണിന്റെ ബാക്കി ഭാഗം രക്തവർണ്ണമായിരിക്കുന്നു , കടും ചുവപ്പ് നിറം . അത് അവനിൽ പേടിയാണ് ഉണ്ടാക്കിയത് . അത് കണ്ട് ഞെട്ടി അവൻ വീഴാനായി പുറകോട്ട് ആഞ്ഞു എന്നാൽ പുറകിലെ ചുവരിൽ ഇടിച്ച് അവൻ നിന്നു , കാരണം തന്റെ കണ്ണുകളെ ഈ അവസ്ഥയിൽ അവൻ മുൻപ് കണ്ടിട്ടില്ല . അവൻ കണ്ണുകൾ ഒരു നിമിഷം അടച്ച് തുറന്ന ശേഷം വീണ്ടും കണ്ണാടിയിലേക്ക് നോക്കി അൽഭുതം പോലെ നേരത്തെ ചുവന്നിരുന്ന ഭാഗമെല്ലാം ഇപ്പോൾ സാധാരണ വെള്ള നിറം …. അവന് പേടി കൂടുകയാണ് ചെയ്തത് …. അവൻ വേഗം കുളിച്ച് ഡ്രസ്സ് മാറി പുറത്തേക്ക് ഇറങ്ങി കട്ടിലിലെ ബഡ്ഡിൽ ഇരുന്നു .

‘ഞാൻ എന്താണ് കണ്ടത് ? പക്ഷെ എന്റെ കണ്ണിലെ ആ കടുംചുവപ്പ് നിറം ഞാൻ കണ്ടതാണല്ലോ അതെങ്ങനെ പെട്ടെന്ന് മാഞ്ഞ് പോയി … അവൾ ആദിഷയെ കണ്ടതിന് ശേഷമാണ് എനിക്ക് ഈ മാറ്റങ്ങൾ ഒക്കെ ഉണ്ടായത് . ആരാണ് അവൾ ….? ഞാൻ എന്തിനെയാണ് ഇത്ര അധികമായി പേടിക്കുന്നത് ? ഭയം എന്നെ കീഴ്പ്പെടുത്തിയിരിക്കുന്നു …. ‘

രാഹുൽ അങ്ങനെ ഓരോന്ന് ആലോചിച്ച് ഇരുന്നപ്പോൾ താഴെ നിന്ന് അവന്റെ അമ്മ വിളിച്ചു . അവൻ പതിയെ ഇറങ്ങി താഴേക്ക് നടന്നു .

താഴെ ഡൈനിംങ് ടേബിളിൽ ഏതോ സിനിമ മാസികയും വായിച്ച് ചായ കുടിക്കുകയാണ് ഗീതു … രാഹുൽ പോയി അതിന്റെ ഓപ്പോസിറ്റുള്ള ചെയറിൽ ഇരുന്നു .

മാസികയിൽ നിന്ന് നോട്ടം മാറ്റി ഗീതു രാഹുലിനെ ഒന്ന് നോക്കി അപ്പോഴാണ് അവൻ എന്തോ ആലോചനയിൽ മുഴുകി ഇരിക്കുന്നത് അവൾ കണ്ടത് .