💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

” എത്ര ദിവസമായടാ പോയിട്ട് …… വീട്ടിൽ വരണം എന്ന ബോധം ഉണ്ടോ നിനക്ക് …, ഒരു ചെയർമാൻ വന്നിരിക്കുന്നു പിള്ളേരെ വഴിതെറ്റിക്കാനായിട്ട് ….. പോയി കുളിച്ചിട്ട് വാടാ …”

ശ്രീദേവി അതും പറഞ്ഞ് രാഹുലിനെ അകത്തേക്ക് തള്ളി വിട്ടു …. അവൻ അമ്മയുടെ നെറ്റിയിൽ ഒരു ഉമ്മ കൊടുത്ത ശേഷം സ്റ്റെപ്പ് കയറി റൂമിലേക്ക് ഓടി … ഗീതു അവളുടെ റൂമിലേക്കും .

രാഹുൽ റൂമിൽ കയറി ബാഗ് ഒക്കെ റ്റേബിളിൽ വച്ച ശേഷം മാറാനുള്ള ഡ്രസ്സും എടുത്ത് ബാത്ത് റൂമിൽ കയറി . ഷവറിൽ നിന്ന് വെള്ളത്തുള്ളികൾ ദേഹത്ത് പതിച്ചപ്പോൾ രാഹുലിന് നല്ല ആശ്വാസം തോന്നി , നെറ്റിയിലെ മുറുവിൽ വെളളം വീണപ്പോൾ ചെറുതായി നീറിയെങ്കിലും അത് അവൻ കാര്യം ആക്കീല , ശരീരത്തിൽ വെള്ളം വീണ് തണുത്ത ആശ്വാസത്തിൽ അവൻ പതിയെ കണ്ണുകൾ അടച്ചു .

അവൻ കണ്ണുകൾ അടച്ചപ്പോൾ അവന്റെ കണ്ണുകളിലേക്ക് ഓടി വന്നത് ആദിഷയുടെ രൂപമാണ് പക്ഷെ അത് അവൾ അല്ല എന്ന് ഒരു തോന്നൽ . അവളെ പോലെ തോന്നിപ്പിക്കുന്ന മറ്റൊരു പെൺകുട്ടി ആദിഷയെ പോലെ അതേ മുഖം അതേ ശരീര ശൈലി , ഒരേ അച്ചിൽ വാർത്ത് എടുത്തപോലെ ….. വളരെ ഭംഗിയേകുന്ന ഇതുവരെ കണ്ടിട്ടില്ലാത്ത ഒരു തരം വസ്ത്രമാണ് ( ഗൗൺ പോലെ തോന്നിപ്പിക്കുന്ന ) അവൾ ദരിച്ചിരിക്കുന്നത് … ആ വസ്ത്രത്തിൽ അവളെ കാണുമ്പോൾ ഒരു രാജകുമാരിയെ പോലെ തോന്നിപ്പിക്കുന്നു , രത്നങ്ങൾ പതിപ്പിച്ച ആഭരണങ്ങളാണ് അവൾ ധരിച്ചിരിക്കുന്നത് …. അവളുടെ മുഖത്ത് ഒരു ഭയം നിഴലിച്ച് നിൽക്കുന്നു … അവൾ ഒരു കൊടും കാട്ടിൽ വഴിയറിയാതെ പേടിച്ച് നിൽക്കുകയാണ് , എന്തിനെയോ കണ്ട് പേടിച്ച് . തന്റെ മുൻപിൽ നിൽക്കുന്ന മരണത്തെ കണ്ട് പേടിച്ച് .