💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

ആദിഷ ഓരോന്ന് ആലോചിച്ച് അങ്ങനെ ഇരുന്നു . ആലോചിച്ച് ആലോചിച്ച് വട്ട് പിടിക്കും എന്ന അവസ്ഥ ആയപ്പോൾ ടേബിളിന് പുറത്ത് ഇരുന്ന ശ്രീകൃഷ്ണ വിഗ്രഹം നോക്കി മനസ്സിലുള്ള സംശയങ്ങൾ പ്രാർത്ഥിച്ച ശേഷം അവൾ ഉറങ്ങാനായി കിടന്നു . പതിയെ ഉറക്കം വന്ന് അവളെ തഴുകി ……

……………………………………………

രാഹുലിന്റെ അവസ്ഥയും മറിച്ചായിരുന്നില്ല . തനിക്ക് പറ്റിയ അവസ്ഥയെ കുറിച്ച് അവൻ ഒരുപാട് നേരം ആലോചിച്ചു പക്ഷെ ഒരു ഉത്തരവും അവന് കിട്ടിയില്ല . ഒടുവിൽ അവനും ഉറങ്ങാനായി കട്ടിലിലേക്ക് കിടന്നു . ഉറക്കം പതിയെ അവനെ മാടി വിളിച്ചു.

………………

രാത്രിയുടെ അവസാന നിമിഷം ഒരു ദിവസം കൊഴിഞ്ഞ് പോയി അടുത്ത ദിവസം പിറക്കാൻ പോകുന്ന ആ സമയം അതു മാത്രമല്ല ആ അമാവാസി ദിനത്തിലെ പ്രധാന സമയം ( ചന്ദ്രന്റെ ഭൂമിക്കു ചുറ്റുമുള്ള കറക്കത്തിൽ 29 അല്ലെങ്കിൽ 30 ദിവസത്തിൽ ഒന്ന് എന്ന കണക്കിൽ ചന്ദ്രൻ സൂര്യന്റേയും ഭൂമിയുടേയും ഇടയിൽ വരും. ഈ സമയം ചന്ദ്രന്റെ സൂര്യനു എതിരായുള്ള ഭാഗം ഭൂമിയെ അഭിമുഖീകരിക്കുന്നതിനാൽ ചന്ദ്രനെ നഗ്നനേത്രങ്ങൾക്കു ദൃശ്യമാകില്ല. ഇങ്ങനെ ചന്ദ്രന്റെ പ്രകാശിതമല്ലാത്ത ഭാഗം ഭൂമിക്ക് അഭിമുഖമായി വരുന്ന ദിവസമാമാണ് അമാവാസി അഥവാ കറുത്തവാവ് എന്ന് പറയുന്നത്.) എങ്ങും കൂരിരുട്ട് മാത്രം ചന്ദ്രൻ സൂര്യനെ പൂർണ്ണമായും മറച്ച സമയം .

……….