💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

 

……………………………………….

 

കോളേജ് ലേഡീസ് ഹോസ്റ്റൽ , ആദിഷയുടെ റൂം ……. സമയം അടുത്ത ദിവസം പുലർച്ചെ 5:30 AM

 

………………………….

 

ആദിഷ അവൾ ഒരു കൊടും കാട്ടിലൂടെ വഴിയറിയാതെ ഓടുകയാണ് . അവൾ ധരിച്ചിരിക്കുന്നത് വില കൂടിയ രാജകീയ വസ്ത്രം , അണിഞ്ഞിരിക്കുന്ന ആഭരണങ്ങൾ അത് വിശേഷപ്പെട്ട രത്നങ്ങളാൽ നിർമ്മിക്കപ്പെട്ടവ . ആ കാട്ടിലൂടെ വഴിയറിയാതെ ഓടിക്കൊണ്ടിരുന്ന അവൾ പെട്ടെന്ന് എന്തോ കണ്ട് പേടിച്ച് നിന്നു , അൽപം ദൂരെ മുൻപിൽ നിൽക്കുന്ന മരണത്തെ കണ്ട് . അവളുടെ മുഖത്ത് മുഴുവൻ മരണ ഭയം വന്ന് നിറഞ്ഞു . ആ ഭയം കാരണം ഒരു ശബ്ദവും അവളുടെ നാവിൽ നിന്ന് പുറത്തേക്ക് വന്നില്ല . നാവിൽ ആരോ കടിഞ്ഞാൺ ഇട്ടപോലെ . ആ മരണം അവളെ ഒന്ന് നോക്കിയ ശേഷം അവളുടെ അടുത്തേക്ക് പതിയെ നടന്ന് വന്നു . അതിന്റെ കണ്ണുകളിൽ തന്റെ വിശപ്പ് അടക്കാൻ ഒരു ഇരയെ കിട്ടിയ സന്തോഷം ഉണ്ടായിരുന്നു . അതിന്റെ മുഖത്ത് വായുടെ ഭാഗം മുഴുവൻ രക്തക്കറ പറ്റിപ്പിടിച്ചിരിക്കുന്നു , ആരെയും ഭയപ്പെടുത്തുന്ന മുഖഭാവം . ഭയം കാരണം അവൾക്ക് ഒരടി പോലും പുറകോട്ട് വയ്ക്കാൻ സാധിക്കാത്ത അവസ്ഥ . അവൾ അങ്ങനെ സതംഭിച്ചു നിൽക്കുകയാണ് . അത് അവളുടെ അടുത്തേക്ക് പതിയെ നടന്നടുത്തു ഒരു ക്രൂരമായ ഭാവത്തോടെ .

 

പെട്ടെന്ന് ഒരു വാൾ അവൾക്കും അവളുടെ അടുത്തേക്ക് അവളുടെ മരണം വിധിക്കാൻ മുൻപോട്ട് നടന്ന് വന്ന ആ വന്യമൃഗത്തിനും ഇടയിലായി മണ്ണിൽ വന്ന് കുത്തി നിന്നു , അതിന്റെ മുന ഭാഗം അൽപം മണ്ണിൽ താണിറങ്ങിയിരിക്കുന്നു . ആ വാളിന്റെ കൈപ്പിടിക്ക് സ്വർണ്ണ നിറം . സൂര്യപ്രകാശം തട്ടി ആ വാളിന്റെ മൂർഛയുള്ള ഭാഗം വെട്ടി തിളങ്ങുന്നു . ആ മൃഗം ആ വാളിനെ സൂക്ഷ്മമായി ഒന്ന് നോക്കി . ആ വാൾ കണ്ടതും ആ മൃഗത്തിന്റെ കണ്ണുകളിലെ സന്തോഷം മാറി പകരം ഭയം വന്ന് നിറഞ്ഞു അത് കാലുകൾ ഒരടി പിന്നോട്ട് വച്ചു . ആ വന്യമൃഗം വാളിന് മുൻപിൽ തന്റെ മുൻകാലുകൾ നീട്ടി തല മണ്ണിൽ കുമ്പിട്ട് വാളിനെ നമസ്കരിച്ചു. ശേഷം അതിന് മുൻപിൽ ഭയത്തോടെ നിലത്ത് കിടന്നു , യജമാനന്റെ മുൻപിൽ നിൽക്കുന്ന അടിമയെപ്പോലെ .

 

 

ആ വന്യമൃഗം ഇങ്ങനെയെക്കെ ചെയ്യുന്നത് കണ്ട് അത്ഭുതപ്പെട്ട് നിന്ന ആദിഷ ആ വാൾ വന്ന ദിശയിലേക്ക് ( പുറകിലേക്ക് ) തിരിഞ്ഞ് നോക്കി . അവളുടെ പുറകിൽ അൽപം ദൂരെയായി ഉറച്ച ശരീരവും സൂര്യനെ പോലെ പ്രഭ തെളിയുന്ന സുന്ദരമായ മുഖത്തോടു കൂടിയ ഒരു യുവാവ് നിൽക്കുന്നതാണ് അവൾ കണ്ടത് . അരക്ക് താഴോട്ട് ഒരു ചുവന്ന തുണിയിൽ കച്ചകെട്ടിയിരിക്കുന്നു അതു മാത്രമാണ് വേഷം . നെഞ്ചിലെ ദൃഢമായ പേശികൾ സൂര്യ പ്രകാശത്തിൽ വെട്ടി തിളങ്ങുന്നു . മുഖത്ത് ഒരു രൗദ്ര ഭാവം , അൽപ്പം നീണ്ട് വളർന്ന തലമുടി . കഴുത്തിൽ ഒരു രുദ്രാക്ഷമാല അതിൽ ഒരു സൂര്യന്റെ ആകൃതിയിലുള്ള പതക്കം (ലോക്കറ്റ്) . ഇടനെഞ്ചിൽ അർദ്ധ സൂര്യന്റെ ചിത്രം പച്ചകുത്തിയിരിക്കുന്നു . ആരെയും ആകർഷിക്കുന്ന കണ്ണുകൾ ആ കണ്ണുകളിലെ കൃഷ്ണമണികൾക്ക് കടുംനീല നിറം . അവനെ കണ്ടാൽ ഒരു രാജകുമാരനെ പോലെ തോന്നിപ്പിക്കുന്നു , ഒരു യോദ്ധാവിനെപ്പോലെ .

…………………………

 

ആദിഷ ആ സ്വപ്നം കണ്ട് വേഗം ഉറക്കത്തിൽ നിന്ന് ഞെട്ടി ഉണർന്നു , എണീറ്റ് കട്ടിലിൽ ഇരുന്നു . അവൾ വല്ലാതെ പേടിച്ചിരുന്നു . അതെ അവൾ കണ്ടു വ്യക്തമായി ആ യുവാവിന്റെ മുഖം . ഉറക്കം വിട്ട് ഉണർന്നിട്ടും അവളുടെ ഓർമ്മയിൽ നിന്ന് മായാതെ സ്വപ്നത്തിൽ കണ്ട ആ യുവാവിന്റെ മുഖം തങ്ങി നിൽക്കുന്നു . ആദിഷയുടെ മുഖത്ത് ഒരു പുഞ്ചിരി വിടർന്നു . അതെ അവൾ കണ്ടത് മറ്റാരെയും അല്ല രാഹുലിനെ , രാഹുലിന്റെ മറ്റൊരു മുഖത്തെ .

 

 

…………………..

 

 

തുടരും ………….

 

 

തിരക്കുകൾ ഉണ്ട് അതിനാൽ അടുത്ത പാർട്ടിന് മാക്സിമം 15 ദിവസം ആവശ്യമാണ് . ദയവായി ക്ഷമയോടെ കാത്തിരിക്കുക 🙏 . കഥ ഇഷ്ടമായെങ്കിൽ നിങ്ങളുടെ വിലപ്പെട്ട അഭിപ്രായം കമന്റായും ✍️ , ലൈക്കായും ❤️ രേഖപ്പെടുത്തുക .

 

 

സ്നേഹത്തോടെ ,

 

VICHU [ ചെകുത്താനെ സ്നേഹിച്ച മാലാഖ ]