💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

 

” മോനോ തല വേദന ഉണ്ടോ ? ”

 

ശ്രീദേവി അൽപം സങ്കടത്തോടെ അവന്റെ തലമുടി തഴുകിക്കൊണ്ട് ചോദിച്ചു

 

” ഏയ് ഒരു കുഴപ്പവും ഇല്ല അമ്മാ …. എനിക്ക് വിശക്കുന്നു ഉച്ചയ്ക്ക് ഒന്നും കഴിച്ചില്ല ….. ”

 

രാഹുൽ അത് പറഞ്ഞതും ശ്രീദേവി അവന് ആഹാരം എടുക്കാൻ അടുക്കളയിലേക്ക് പോയി …. കഴിക്കുന്ന സമയത്ത് കോളേജിൽ മാത്യു ചെറിയാൻ വന്നതും രാഹുൽ പണി കൊടുത്തതും എല്ലാം ഗീതു തന്റെ അമ്മയ്ക്ക് പറഞ്ഞ് കൊടുത്തു .

 

 

………………………………………………..

 

 

അങ്ങനെ സമയം കഴിഞ്ഞ് പോയി …..

 

രാത്രി ഒരു ഏഴ് മണിയായപ്പോൾ ഒരു കാറ് വന്ന് രാഹുലിന്റെ വീട്ട് മുറ്റത്ത് നിന്നു , വന്നത് മറ്റാരും അല്ല രാഹുലിന്റെ അച്ഛൻ അഡ്വക്കേറ്റ് കൃഷ്ണമൂർത്തി . രാഹുലും ഗീതുവും സെറ്റിയിൽ ഇരുന്ന് ടി വി കാണുകയായിരുന്നു . അച്ഛൻ വരുന്നത് കണ്ടതും അവർ പെട്ടെന്ന് എണീറ്റു .

 

” മ് ഇരിക്ക് ……. ”

 

കൃഷ്ണമൂർത്തി പറഞ്ഞതും അവർ സെറ്റിയിൽ ഇരുന്നു . മൂർത്തിയുടെ കൂടെ വന്ന ഗുമസ്തൻ ഒരു ഹാന്റ്ബാഗും കുറച്ച് ഫയലുകളും അകത്തെ ഒരു റൂമിൽ കൊണ്ട് വച്ച ശേഷം തിരിച്ച് പോയി …… ശ്രീദേവി അടുക്കളയിൽ തകൃതിയായ ജോലിയിൽ ആയിരുന്നു .

 

കൃഷ്ണമൂർത്തി ഒരു ചാരുകസേരയിൽ ചാരി ഇരുന്ന് തല പുറകോട്ട് ചായ്ച്ച് വച്ച് പതിയെ കണ്ണുകൾ അടച്ചു.

 

” കോളേജിൽ പ്രശ്നം ഉണ്ടായിട്ട് എന്താടാ എന്നെ വിളിക്കാത്തത് . ? ”

 

കണ്ണ് അടച്ച് ഇരുന്നു കൊണ്ട് മൂർത്തി രാഹുലിനോട് ചോദിച്ചു.

 

” അത് . അച്ഛാ അത് വലിയ പ്രശ്നം ഒന്നും അല്ല . പിന്നെ ഇവളെ ശല്യം ചെയ്താൽ ഞാൻ വെറുതെ വിടും എന്ന് തോന്നുന്നുണ്ടോ…. നല്ലത് തന്നെ കൊടുത്തിട്ടുണ്ട് അവന്മാർക്ക് . ഒരു പക്ഷെ ഇപ്പൊ ചികിൽസിച്ച് ഭേദം ആക്കിയാലും ഞാൻ കൊടുത്തത് ഫിക്സഡാ …. കുറച്ച് വർഷം കഴിയുമ്പോ അവൻ ആ ഫ്രാങ്കോ അനുഭവിക്കും …. ”

 

രാഹുൽ ഉടനെ മറുപടി പറഞ്ഞു .