💞💞 അവൾ രാജകുമാരി-3💞💞[ ചെകുത്താനെ സ്നേഹിച്ച മാലാഖ ] 733

“ചേട്ടായി അവൾ നോർത്ത് ഇന്ത്യനാ …. മധ്യപ്രദേശ് …. അവളുടെ അച്ഛൻ മലയാളിയാ അമ്മ മലയാളിയല്ല രാജസ്ഥാൻ അങ്ങനെയാ പറഞ്ഞത് അത് മാത്രം ഡീറ്റൈൽ ആയി അവൾ പറഞ്ഞില്ല ….. ജനിച്ചതും വളർന്നതും ഒക്കെ മധ്യപ്രദേശിലാ ….. അവളുടെ അച്ഛന് അവിടെ ഏതോ കമ്പനിയിൽ ആണ് ജോലി ആ സ്റ്റേറ്റിൽ …. അവളുടെ അച്ഛന്റെയും അമ്മയുടെയും പ്രണയ വിവാഹം ആയിരുന്നു . അതുകൊണ്ട് ഇവിടെ കാര്യമായി ബന്ധുക്കളൊന്നും ഇല്ല , സ്റ്റെ ഹോസ്റ്റലിലാ . അവൾക്ക് കേരളത്തിൽ ഡിഗ്രി ചെയ്യണം എന്നായിരുന്നു ആഗ്രഹം അങ്ങനെയാ ഇവിടെ എത്തിയത് ……”

ഗീതു ഉടനെ പറഞ്ഞു …..

” അതാ ഞാനും ശ്രദ്ധിച്ചു . അവളുടെ ഡ്രസ്സിന് ഒരു നോർത്ത് ഇന്ത്യൻ സ്റ്റൈൽ …. ”

രാഹുൽ പറഞ്ഞു ….അങ്ങനെ അവരുടെ സംസാരം നീണ്ടു , ഗീതുവിന് പുതിയ ക്ലാസ്സിലെ വിശേഷങ്ങൾ പറയാനായിരുന്നു കൂടുതൽ തിടുക്കം …. അങ്ങനെ ഒന്നര മണിക്കൂർ യാത്രയ്ക്കൊടുവിൽ ബുള്ളറ്റ് റോഡ് സൈഡിൽ ഉള്ള ഒരു ഇരു നില വീടിന്റെ ഗേറ്റ് കടന്ന് അകത്ത് എത്തി . ഗീതു ഇറങ്ങിയതും രാഹുൽ ബുള്ളറ്റ് സ്റ്റാന്റിൽ ഇട്ട് വച്ച ശേഷം ബാഗും എടുത്ത് ഇറങ്ങി .

ബുള്ളറ്റിന്റെ ശബ്ദം കേട്ട് ഒരു സ്ത്രീ വീടിന് അകത്ത് നിന്ന് സിറ്റ് ഔട്ടിലേക്ക് വന്നു . ഗീതുവിന്റെയും രാഹുലിന്റെയും അമ്മ ശ്രീദേവി , ശ്രീദേവിയുടെ തനിപകർപ്പാണ് ഗീതു എന്ന് ഒറ്റ നോട്ടത്തിൽ തന്നെ മനസ്സിലാകും കാരണം അവരുടെ മുഖത്തിന്റെ ഷെയ്പ്പും നിറവും എല്ലാം ഒരുപോലെ തന്നെ ……

” എന്റെ ദേവിക്കുട്ടീ …… ”

രാഹുൽ അതും പറഞ്ഞ് അമ്മയെ സോപ്പിടാൻ വേണ്ടി ഓടി ചെന്ന് കെട്ടിപ്പിടിക്കാൻ നോക്കി ( വീട്ടിൽ കയറിയിട്ട് ഒരാഴ്ചയായി അതു കൊണ്ട് ) പക്ഷെ ….

” അമ്മാ…… വേദനിക്കുന്നു വിട് …… വിട് ….. ആ …….”

ചെവിയിൽ ശ്രീദേവിയുടെ വിരലുകൾ കൊണ്ട് നുള്ള് കിട്ടിയതും രാഹുൽ കിടന്ന് വിളിക്കാൻ തുടങ്ങി . ഗീതു ഇതെല്ലാം കണ്ടോണ്ട് നിന്ന് ചിരിക്കാനും …..