??അവൾ രാജകുമാരി- 7?? [ ചെകുത്താനെ സ്നേഹിച്ച മാലാഖ ] 611

“അങ്ങ് ദർശനത്തിൽ ആദ്യം കണ്ടത് ഒരു കുഞ്ഞിന്റെ ചിരിക്കുന്ന മുഖം അതിനർത്ഥം അനന്തരവകാശികളില്ലാത്ത അങ്ങയുടെ മൂത്തപുത്രന് സൂര്യ ഭഗവാന്റെ അനുഗ്രഹത്താൽ ഒരു പുത്രൻ ജനിക്കും .

രണ്ടാമത് അങ്ങ് കണ്ടത് ഒരു ഘോരവനമാണ് അതിനർത്ഥം കൊട്ടാരത്തിൽ ജനിക്കാൻ മാത്രമേ അവന് ഭാഗ്യമുള്ളൂ ജീവിതം മുഴുവൻ വനത്തിനുള്ളിൽ ആയിരിക്കും താൻ ആരെന്ന് പോലും തിരിച്ചറിയാതെ .

മൂന്നാമത് അങ്ങ് കണ്ടത് നൂറ്റാണ്ടുകൾക്ക് മുൻപ് സൂര്യവംശത്തിലെ കുല ഗുരു ആ ഘോരവനത്തിനുള്ളിലെ ഒരു ഗുഹയിൽ സ്ഥാപിച്ച സൂര്യ അസ്ത്ര എന്ന വാളും ഏകമുഖ രുദ്രാക്ഷമാലയുമാണ് , ആ വാളും രുദ്രാക്ഷ മാലയും അവൻ കൈകളിൽ വഹിക്കും അതാണ് മൂന്നാമത്തെ ദർശനത്തിന്റെ പൊരുൾ .

നാലാമത് അങ്ങ് കണ്ടത് നിലത്ത് കൂടി ഒഴുകുന്ന ചുടു രക്തമാണ് , അതിന്റെ പൊരുൾ എനിക്ക് ഇപ്പോൾ അങ്ങയോട് തുറന്ന് പറയാൻ കഴിയില്ല അത് അങ്ങയോട് പറയരുത് എന്ന് ആ ദർശനത്തിൽ തന്നെ ഉണ്ട് , ബാക്കിയൊക്കെ വിധിയാണ് കാലത്തിന്റെ ചില വികൃതികൾ .

അങ്ങയുടെ കൊച്ചുമകന് ആയുധ – അഭ്യാസ അറിവുകൾ പകർന്ന് നൽകേണ്ടത് അങ്ങയുടെ കടമയും നിയോഗവുമാണ് അതിനായി ഒരിക്കൽ കൂടി അങ്ങേയ്ക്ക് ആയുധങ്ങൾ കൈകളിൽ ഏന്തേണ്ടി വരും . ബാക്കിയൊക്കെ കാലം കാലചക്രം കാണിച്ച് തരും , ഇപ്പോൾ അതിനെ കുറിച്ച് വ്യാകുലപ്പെടണ്ട .

ഏതൊരു മനുഷ്യ ജന്മത്തിനും ഒരു നിയോഗം ഉണ്ട് ഇതാണ് അങ്ങയുടെ നിയോഗം ഇതുവരെയുള്ള അങ്ങയുടെ ജീവിതവും അതിലെ ദുഃഖങ്ങളും ഇതിന്റെ ഒരു ഭാഗം മാത്രമാണ് . ”

ഏകപാദൻ ഒരു പുഞ്ചിരിയോടെ ഇത്രയും പറഞ്ഞ ശേഷം വീണ്ടും കണ്ണുകളടച്ച് ധ്യാനത്തിലേക്ക് മടങ്ങി .