??അവൾ രാജകുമാരി- 7?? [ ചെകുത്താനെ സ്നേഹിച്ച മാലാഖ ] 611

ആ വാളും രുദ്രാക്ഷമാലയും ആ വനത്തിനുള്ളിലെ ഗുഹയിൽ സ്ഥാപിച്ചതും ആ ശാന്തമായ വനത്തിന്റെ സ്വഭാവത്തിൽ മാറ്റങ്ങൾ സംഭവിച്ചു . ആ വനം മുഴുവൻ ഒരു ശക്തി വലയത്താൽ ചുറ്റപ്പെട്ടു . അതിന്റെ ഫലമായി ആ വനത്തിനുള്ളിലെ മൃഗങ്ങളുടെ സ്വഭാവത്തിലും മാറ്റങ്ങൾ ഉണ്ടായി അവ നരഭോജികളായ വന്യമൃഗങ്ങളായി മാറ്റപ്പെട്ടു . ആ വാളും രുദ്രാക്ഷ മാലയും ഗുഹയിൽ സ്ഥാപിച്ച് മടങ്ങിയ അഗ്നിവേശനും സൂരഗിരിയിലെ പോരാളികൾക്കും തിരിച്ച് സൂര്യ ഗിരിയിൽ പ്രവേശിക്കാൻ സാധിച്ചില്ല അതിന് മുൻപ് തന്നെ അവർ ആ വനത്തിലെ വന്യമൃഗങ്ങൾക്ക് ആഹാരമായി തീർന്നു .

ആ സംഭവത്തിന് ശേഷം ആ ഘോര വനത്തിലേക്ക് കടന്നവരെല്ലാം അവിടെയുള്ള വന്യമ്യഗങ്ങൾക്ക് ഇരയായി മാറി . ഈ കാരണത്താൽ അപകടം തിരിച്ചറിഞ്ഞ ചന്ദ്രഹാസൻ ആ (സൂര്യ അസ്ത്ര ) വാളും , രുദ്രാക്ഷമാലയും കൈക്കലാക്കണമെന്ന തന്റെ ആഗ്രഹം അവസാനിപ്പിച്ചു .

***************************

ഏകദേശം 200 വർഷങ്ങൾക്ക് ശേഷം

സൂര്യഗിരിയിൽ അപ്പോഴത്തെ രാജാവായിരുന്നു സൂര്യവർദ്ധനൻ . ആയോധന കലകളിലും അതിനെ പറ്റിയുള്ള അറിവിലും അഗ്രകണ്യനായിരുന്നു അദ്ദേഹം . സൂര്യവർദ്ധനന്
രണ്ട് ആൺമക്കളായിരുന്നു സൂര്യസേനനും , സൂര്യദേവും . സൂര്യസേനനെക്കാൾ അഞ്ച് വയസ്സ് ഇളയതായിരുന്നു സൂര്യദേവ് .

സൂര്യദേവിന് ജന്മം നൽകിയ സമയത്ത് തന്നെ സൂര്യവർദ്ധനന്റെ പ്രിയ പത്നി (സൂര്യസേനന്റെയും സൂര്യദേവിന്റെയും മാതാവ് ) മരണമടഞ്ഞു . അത് അദ്ദേഹത്തെ ഏറെ ദു:ഖിതനാക്കിയിരുന്നു . സൂര്യവംശത്തിന്റെ രാജാവ് ആയിരുന്നിട്ടും അദ്ദേഹം വേറെ വിവാഹം കഴിക്കാതെ തന്നെ തുടർന്ന് ജീവിച്ചു . കാരണം അദ്ദേഹത്തിന് അത്രയ്ക്ക് ഇഷ്ടമായിരുന്നു തന്റെ പ്രിയ പത്നിയെ .