💞💞അവൾ രാജകുമാരി- 7💞💞 [ ചെകുത്താനെ സ്നേഹിച്ച മാലാഖ ] 611

അൽപ നേരം കഴിഞ്ഞതും രാഹുലിന്റെ തോളിൽ ഒരു കൈ വന്ന് പതിച്ചു . തിരിഞ്ഞ് നോക്കിയപ്പോൾ നേരത്തെ കണ്ട ആ പൂജാരി ഒരു പുഞ്ചിരിയോടെ നിൽക്കുന്നതാണ് രാഹുൽ കണ്ടത് .

” മ് …… കയ്യിലുള്ള ബാഗും എടുത്ത് എന്റെ ഒപ്പം വരൂ ….. ”

അയാൾ അതും പറഞ്ഞ് ക്ഷേത്ര നട അടച്ച ശേഷം മുന്നോട്ട് നടന്നു . രാഹുൽ ജിപ്സിയിൽ നിന്ന് തന്റെ ബാഗും എടുത്ത് ആ ഈറൻ മുണ്ട് ധരിച്ച് തന്നെ അയാളുടെ പുറകേ നടന്നു . ഇതെല്ലാം കണ്ട് കൊണ്ട് നിന്ന ആ കഴുകൻ ചിറകടിച്ച് ശബ്ദമുണ്ടാക്കിയ ശേഷം ദൂരേക്ക് പറന്നു , ആ ഘോരവനം ലക്ഷ്യമാക്കി .

അയാൾ നേരെ പോയത് തന്റെ വീട്ടിലേക്കായിരുന്നു . അങ്ങിങ്ങായി പഴയ രീതിയിൽ പണി തീർത്തിരിക്കുന്ന ചില വീടുകൾ ആ സ്ഥലത്തുള്ളത് രാഹുൽ കണ്ടു .

അയാൾ തന്റെ വീടിന് അകത്തേയ്ക്ക് കയറി , രാഹുൽ വീടിനകത്ത് കയറാതെ പുറത്ത് തന്നെ നിന്നു .

” അങ്ങ് എന്തിനാ പുറത്ത് തന്നെ നിൽക്കുന്നത് ? അകത്തേയ്ക്ക് വരൂ …… ”

അയാളുടെ ആ വാക്കുകൾ കേട്ടതും രാഹുൽ അകത്തേയ്ക്ക് കയറി .

” അതെ …. താങ്കൾ ആരാ ? എന്താ താങ്കളുടെ പേര് …..? എന്തിനാ താങ്കൾ എന്നെ ഇവിടേക്ക് കൂട്ടിക്കൊണ്ട് വന്നത് ? എനിക്കൊന്നും മനസ്സിലാകുന്നില്ല . താങ്കൾ പറയുന്നത് അതുപോലെ അനുസരിക്കാനല്ലാതെ മറ്റൊന്നും പറയാനോ പ്രവർത്തിക്കാനോ എനിക്ക് തോന്നുന്നുമില്ല . ഞാൻ …. ഞാൻ ….. ഇവിടെ വരുമെന്ന് നിങ്ങൾക്ക് എങ്ങനെ മനസ്സിലായി . ആ കഴുകൻ എന്നെ എന്തിനാ ഇവിടേക്ക് കൂട്ടിക്കൊണ്ട് വന്നത് . അഞ്ച് വർഷമായി മനസ്സിലുള്ള ചോദ്യങ്ങൾ , ഞാൻ കണ്ട സ്വപ്നങ്ങൾ , അത് യാഥാർത്ഥ്യമാണെന്നുള്ള സത്യം . എന്താ എന്താ ഇതിന്റെയൊക്കെ അർത്ഥം ….. ? അത് മാത്രമല്ല നിങ്ങളെ ഞാൻ എവിടെ വച്ചോ കണ്ടിട്ടുണ്ട് അത് എനിക്ക് ഉറപ്പാ….”