💞💞അവൾ രാജകുമാരി- 7💞💞 [ ചെകുത്താനെ സ്നേഹിച്ച മാലാഖ ] 611

ഏകപാദൻ തന്റെ ശിശ്യന്മാർക്ക് വേദ ഉപദേശം നൽകുന്ന തിരക്കിലായിരുന്നു . കുറച്ച് സമയം കഴിഞ്ഞ ശേഷം സൂര്യ വർദ്ധനൻ ഏകപാദന്റെ അടുക്കലേക്ക് ചെന്നു .

” എന്താ സൂര്യ വർദ്ധനാ …..? നമ്മോടെന്തോ പറയാനുണ്ടെന്ന് തോന്നുന്നുണ്ടല്ലോ …. ? ”

ഏകപാദൻ സൂര്യവർദ്ധനന്റെ മുഖഭാവം കണ്ട് സംശയം തോന്നി ചോദിച്ചു .

” അതെ ഗുരു , ഒരു കാര്യം പറയാനുണ്ട് . ഇന്ന് ധ്യാനത്തിൽ ഇരുന്നപ്പോൾ ഞാൻ ഒരു ദർശനം കണ്ടു പക്ഷെ എത്ര ചിന്തിച്ചിട്ടും അതിന്റെ പൊരുൾ മനസ്സിലാക്കാൻ എനിക്ക് സാധിക്കുന്നില്ല . ”

സൂര്യവർദ്ധനൻ മറുപടി പറഞ്ഞു .

” എന്താണ് താങ്കൾ കണ്ട ദർശനം ….. ?”

ഏകപാദന്റെ ചോദ്യത്തിന് സൂര്യവർദ്ധനൻ താൻ കണ്ട ദർശനം വ്യക്തമായി പറഞ്ഞു കൊടുത്തു .
അത് കേട്ടതും ഏകപാദൻ കുറച്ച് സമയം കണ്ണുകൾ അടച്ച് ഇരുന്നു …….. അല്പ സമയം കഴിഞ്ഞതും അയാളുടെ മുഖത്ത് ഒരു പുഞ്ചിരി വിടർന്നു . അയാൾ കണ്ണുകൾ തുറന്നു .

” രാജകുലമായ അങ്ങ് ആയുധങ്ങളും ആയുധവിദ്യകളും സന്യാസജീവിതത്തിനായി ഉപേക്ഷിച്ചതല്ലേ ……. പക്ഷെ ഇനിയും അങ്ങ് ആയുധം കൈകളിൽ എന്തേണ്ടതായി വരും പക്ഷെ അത് ആരെയും നിഗ്രഹിക്കാനല്ല അറിവ് പകർന്ന് കൊടുക്കാൻ വേണ്ടി . ”

ഏകപാദൻ ഒരു പുഞ്ചിരിയോടെ പറഞ്ഞു .
പക്ഷെ ഏകപാദൻ പറഞ്ഞതിന്റെ അർത്ഥം സൂര്യവർദ്ധനന് മനസ്സിലായില്ല .

” അങ്ങ് പറയുന്നത് . ”

സൂര്യവർദ്ധനൻ ഏകപാദനോട് ചോദിച്ചു .