💞💞അവൾ രാജകുമാരി- 7💞💞 [ ചെകുത്താനെ സ്നേഹിച്ച മാലാഖ ] 611

രാഹുൽ തന്റെ മനസ്സിലെ ചോദ്യങ്ങൾ അയാളോട് പറഞ്ഞു ..

രാഹുലിന്റെ ചോദ്യങ്ങൾ കേട്ട് അയാൾ ഒന്ന് പുഞ്ചിരിച്ചു .

” എന്റെ പേര് വിശ്വജിത്തൻ . പിന്നെ അങ്ങയുടെ മറ്റു ചോദ്യങ്ങളുടെ ഉത്തരം അതും ഞാനാണ് . ആദ്യം അങ്ങ് വേഷം മാറി വരൂ . അതുപോലെ മനസ്സിനും ശരീരത്തിനും ഉന്മേഷം വേണം . അങ്ങ് ആ നദിയിൽ മുങ്ങിയപ്പോൾ തന്നെ മനസ്സിന്റെ ശക്തി ആർജിച്ച് കഴിഞ്ഞു , ഇനി ശരീരത്തിന് . അങ്ങ് ആദ്യം പോയി വേഷം മാറി വരൂ …. ”

അയാൾ അതും പറഞ്ഞ് രാഹുലിനായി ഒരുക്കിയ മുറി കാണിച്ചു കൊടുത്തു . രാഹുൽ ബാഗുമായി ആ റൂമിലേക്ക് കയറി വേഷം മാറി പുറത്ത് വന്നു . അപ്പോഴേക്കും രാഹുലിനായുള്ള ആഹാരം വിശ്വജിത്തന്റെ ഭാര്യ തയ്യാറാക്കി വച്ചിരുന്നു .

” വരു …. മനസ്സിനെ ശക്തീകരിക്കാൻ ആ പുണ്യനദിക്ക് കഴിഞ്ഞു എങ്കിൽ ശരീരം ശക്തീകരിക്കാൻ ആഹാരമാണ് വേണ്ടത് . ”

വിശ്വജിത്തൻ അത് പറഞ്ഞതും അയാളുടെ ഭാര്യ രാഹുലിന് പ്രാതൽ വിളമ്പി കൊടുത്തു . നല്ല പോലെ വിശപ്പ് കീഴടക്കിയതിനാൽ രാഹുൽ അത് മുഴുവൻ കഴിച്ചു . വിശ്വജിത്തൻ വല്ലാത്ത ഒരു സന്തോഷത്തോടെ അത് നോക്കി നിന്നു തന്റെ കുടുംബത്തിന് ഇത്രത്തോളാം വലിയ ഒരു ഭാഗ്യം ലഭിച്ചതോർത്ത് .

രാഹുൽ ആഹാരം കഴിച്ച് കഴിഞ്ഞ് വിശ്വജിത്തന്റെ അടുക്കലേക്ക് ചെന്നു .

” നിങ്ങൾ അല്ലെ പറഞ്ഞത് എന്റെ എല്ലാ ചോദ്യങ്ങളുടെയും ഉത്തരം നിങ്ങൾ തന്നെയാണ് എന്ന് . ഇനി പറ …… എന്താ ഇതിന്റെയൊക്കെ അർത്ഥം ? ഞാനും ഈ മണ്ണും തമ്മിൽ എന്തെങ്കിലും ബന്ധമുണ്ടോ ….. ? ”

രാഹുൽ ഒരു ആകാംഷയോടെ വിശ്വജിത്തനോട് ചോദിച്ചു . അതിന് അയാൾ ഒരു പുഞ്ചിരിയോടെ മറുപടി പറഞ്ഞു .