……………………………………………

ഒരു ദിവസം രാത്രി ……

എങ്ങും കൂരിരുട്ട് മാത്രം …. രാത്രിയുടെ മറവിൽ ആ കൊട്ടാരം ദാസി ആദിസൂര്യ കുമാരന്റെ മുറിയിലേക്ക് പ്രവേശിച്ചു . ആദിസൂര്യനെ പരിചരിക്കുന്ന സ്ത്രീ നല്ല ഉറക്കത്തിൽ ആയിരുന്നു , അല്ല ഉറക്കത്തിലാഴ്ത്തി എന്ന് പറയുന്നതാവും ശരി . സൂര്യദേവിന്റെ ആജ്ഞകൾ അനുസരിക്കുന്ന ആ കൊട്ടാര ദാസി ആദി സൂര്യനെ പരിചരിക്കുന്ന സ്ത്രീക്ക് രാത്രിയിലെ അത്താഴത്തിൽ മയങ്ങാനുള്ള പച്ചില മരുന്ന് കലർത്തി കൊടുത്തിരുന്നു അത് കാരണം അവർ ഉറക്കത്തിലാഴ്ന്ന് പോയി .

ആ ദാസി ആദി സൂര്യന്റെ മുറിയിൽ പ്രവേശിച്ച ശേഷം തടി കൊണ്ടുള്ള വലിയ തൊട്ടിലിൽ കിടന്നുറങ്ങുകയായിരുന്ന ആദി സൂര്യന്റെ മൂക്കിനടുത്തേക്ക് ആ പച്ചില മരുന്ന് നീട്ടി അതിന്റെ രൂക്ഷ ഗന്ധം മൂക്കിലൂടെ ഉള്ളിലേക്ക് കയറിയതും തൽക്ഷണം ആദിസൂര്യൻ അബോധ അവസ്ഥയിൽ ആയി . ആ കൊട്ടാരം ദാസി ആദിസൂര്യനെ തുണിയിൽ പൊതിഞ്ഞ് ഒരു ഭാണ്ഡകെട്ടിന്റെ രൂപത്തിലാക്കി കൊട്ടാരം കാവൽ കാരന്റെ കൈവശം നൽകി അയാൾ അതുമായി കൊട്ടത്തിന്റെ ഇടനാഴിയിൽ മറഞ്ഞ് നിന്ന സൂര്യദേവിന്റെ അടുത്തേക്ക് പോയി . പണം കൈപ്പറ്റിയ ചില കാവൽക്കാർ ഇത് കണ്ടില്ല എന്ന് നടിച്ചു .

ആ ഭാണ്ഡക്കെട്ട് കണ്ടതും സൂര്യദേവ് ഒന്ന് പുഞ്ചിരിച്ചു ആ സമയം അയാളുടെ ഉള്ളിലെ അസുരൻ അട്ടഹസിക്കുകയായിരുന്നു .

” ഒരു കാരുണ്യവും വേണ്ട . കൊന്നതിന് ശേഷം ആ വനത്തിനുള്ളിലേക്ക് ഉപേക്ഷിക്ക് . ഇവൻ അവിടുത്തെ വന്യജീവികൾക്ക് ആഹാരം ആകട്ടെ . അതാവുമ്പോൾ ഒരു തെളിവും ബാക്കി ഉണ്ടാകില്ല , ഒരു മുടിനാര് പോലും ബാക്കി കിട്ടുകയുമില്ല ……. ”