💞💞അവൾ രാജകുമാരി- 7💞💞 [ ചെകുത്താനെ സ്നേഹിച്ച മാലാഖ ] 611

രാഹുൽ ജിപ്സിയിൽ നിന്ന് പുറത്തിറങ്ങിയതും പ്രകൃതിയുടെ സ്വഭാവം മാറി , ചെറുതായി കാറ്റടിക്കാൻ തുടങ്ങി . ആ കാറ്റിൽ നിലത്തെ പൊടി പാറി പറന്നു . ഇതൊക്കെ കണ്ട് കഴുകൻ ഉച്ചത്തിൽ ക്ലീ ….. ക്ലീ ….. ശബ്ദം പുറപ്പെടുവിക്കാൻ തുടങ്ങി . രാഹുൽ അതൊക്കെ കണ്ട് ഒരു ഞെട്ടലോടെ ജീപ്സിയുടെ അടുത്ത് തന്നെ നിന്നു .

പ്രകൃതിയിലെ മാറ്റങ്ങൾ ഒക്കെ കണ്ട് ക്ഷേത്രത്തിനകത്ത് നിന്ന് പൂജാരി പുറത്തേക്ക് വന്നു . അയാളുടെ മുഖത്ത് മുഴുവൻ അതിയായസന്തോഷം കൊണ്ടുള്ള പുഞ്ചിരി ഉണ്ടായിരുന്നു …… അയാൾ രാഹുലിന് മുന്നിലെത്തി അവന്റെ മുഖത്തേക്ക് നോക്കി അവന്റെ ആ കടും നീല നയനങ്ങൾ കണ്ടതും അയാളുടെ മുഖത്തെ സന്തോഷം ഇരട്ടിച്ചു . അയാൾ കൈൾ കൂപ്പി രാഹുലിനെ തന്നെ നോക്കി നിന്നു ഒരു പുഞ്ചിരിയോടെ …..

അയാൾ കൈകൂപ്പി തന്നെ വന്ദനം ചെയ്തത് പോലെ രാഹുലും അയാളെ കൈകൂപ്പി വന്ദനം ചെയ്തു . തന്റെ മുന്നിലേക്ക് വന്ന അയാളെ രാഹുൽ ഒന്ന് നോക്കി , ഒറ്റമുണ്ട് ധരിച്ച മുപ്പതിനോടടുത്ത് പ്രായം തോന്നിപ്പിക്കുന്ന ഒരാൾ . നെറ്റിയിലും കയ്യിലുമൊക്കെ ഭസ്മം പുശിയിരിക്കുന്നു , കഴുത്തിൽ രുദ്രാക്ഷമാല , നെഞ്ചിലൂടെ കിടക്കുന്ന പൂണൂൽ , കയ്യിൽ കെട്ടിയിരിക്കുന്ന പൂജിച്ച ചരടുകൾ . ഒറ്റനോട്ടത്തിൽ തന്നെ രാഹുലിന്
അയാൾ ഈ ക്ഷേത്രത്തിലെ പൂജാരിയാണെന്ന് മനസ്സിലായി . എന്നാൽ രാഹുലിന്റെ മനസ്സിൽ ഓടി വന്നത് മറ്റൊരു ചിന്തയായിരുന്നു .

‘ എവിടെയോ കണ്ട് മറന്ന മുഖം ‘

അയളെ കണ്ടതും രാഹുലിന്റെ മനസ്സിലേക്ക് ആദ്യം ഓടിയെത്തിയ ചിന്ത അതായിരുന്നു . പക്ഷെ എവിടെ വച്ചാണ് കണ്ടെത് എന്നുള്ളതിനെ പറ്റി ഒരു ഓർമ്മയും രാഹുലിന് ഉണ്ടായിരുന്നില്ല .