💞💞അവൾ രാജകുമാരി- 7💞💞 [ ചെകുത്താനെ സ്നേഹിച്ച മാലാഖ ] 611

 

ഏതെങ്കിലും വന്യ മൃഗത്തിന്റെ കണ്ണിൽ പെട്ടാൽ തന്റെ മരണവും സംഭവിക്കും അതിനാൽ ഉൾവനത്തിലേക്ക് പ്രവേശിക്കുന്നത് ബുദ്ധിയല്ല എന്ന് അയാൾ മനസ്സിലാക്കി . രാജ്യത്തിന്റെ അതിർത്ഥി പ്രദേശം കടന്ന് അയാൾ ആ വനത്തിലേക്ക് കടന്നു . ഉള്ളിൽ മരണ ഭയം ഉണ്ടെങ്കിലും താൻ ഏറ്റെടുത്ത കാര്യം നിറവേറ്റിയേ പറ്റു …….. അല്ലെങ്കിൽ ചിലപ്പോൾ തന്റെ കഴുത്തിന് മുകളിൽ തല കാണില്ല എന്ന് അയാൾക്ക് അറിയാം .

 

 

അയാൾ ആ ഭാണ്ഡക്കെട്ടുമായി ഓരോ ചുവടും മുന്നോട്ട് വയ്ക്കുന്നത് ആകാശത്തിലൂടെ പറന്ന് നീങ്ങുന്ന ഒരു കഴുകൻ തന്റെ കണ്ണുകളിലൂടെ നിരീക്ഷിച്ചു കൊണ്ടിരുന്നു .

 

 

ആ വനത്തിനുള്ളിലേക്ക് അൽപ ദൂരം നടന്ന് കയറിയ ശേഷം അയാൾ ആ ഭാണ്ഡക്കെട്ട് നിലത്ത് വച്ചു . ശേഷം ആ ഭാണ്ഡകെട്ടിൽ നിറച്ച തുണികൾ മാറ്റി അതിനുള്ളിൽ മയങ്ങി കിടക്കുന്ന ആദിത്യനെ എടുത്ത് നിലത്ത് കിടത്തി . അതിന് ശേഷം അയാൾ തൊട്ടടുത്ത് നിലത്ത് കിടന്ന ഒരു ഭാരമുള്ള പാറക്കഷ്ണം പൊക്കി എടുത്തു . അത് ആദിത്യന്റെ പുറത്ത് ഇടാൻ ഒരുങ്ങിയതും പുറകിലുള്ള കുറ്റിക്കാട്ടിൽ നിന്ന് ഒരു വന്യമ്യഗത്തിന്റെ ഗാംഭീര്യമുള്ള മുരൾച്ച് അയാൾ കേട്ടു . അയാളുടെ മനസ്സിൽ മുഴുവൻ ഭയം കയറി കൂടി . പേടിയോടെ അയാൾ ആ ശബ്ദം വന്ന ദിശയിലേക്ക് പുറകിലേക്ക് പതിയെ തിരിഞ്ഞ് നോക്കി .

 

 

ഇരുട്ടിൽ ചെടികളുടെ ഇടയിൽ തിളങ്ങുന്ന രണ്ടു കണ്ണുകൾ അയാൾ കണ്ടു . അത് കണ്ടതും അയാളുടെ കയ്യിൽ ഇരുന്ന പാറകഷ്ണം അറിയാതെ മറ്റൊരിടത്ത് നിലത്തേക്ക് വീണു . മനസ്സിൽ പേടി കയറി കൂടിയ അയാൾ തന്റെ ജീവൻ രക്ഷിക്കാൻ ഓടാൻ തുനിഞ്ഞു പക്ഷെ അപ്പോഴേക്കും ആ തിളങ്ങുന്ന കണ്ണുകളുള്ള വന്യ മൃഗം അയാളെ പിന്തുടർന്ന് പുറകിലൂടെ ആക്രമിച്ച് നിലത്ത് തള്ളിയിട്ട ശേഷം കഴുത്തിൽ അതിന്റെ നീളൻ പല്ലുകൾ താഴിത്തി . ആ വനം മുഴുവൻ അയാളുടെ മരണവേദന നിറഞ്ഞ അലർച്ചയിൽ മുഴങ്ങി .

 

 

മുഖത്ത് മുഴുവൻ രക്ത കറ പറ്റിപ്പിടിച്ച കണ്ണുകളിൽ രൗദ്ര ഭാവമുള്ള ആ വന്യമൃഗത്തിന്റെ ആഹാരമായി അയാൾ മാറി ……

 

 

അപ്പോഴേക്കും ആകാശത്തിലൂടെ വട്ടമിട്ട് പറന്ന ആ കഴുകൻ പറന്ന് നിലത്തേക്കിറങ്ങി . ആദിത്യന്റെ അടുത്ത് എത്തിയ ആ കഴുകൻ ആദിത്യന്റെ മുഖത്തേക്ക് നോക്കിയ ശേഷം സന്തോഷം കൊണ്ട് ചിറകടിച്ച് ശബ്ദമുണ്ടാക്കി .

 

 

തുടരും …………….. ,

 

 

തിരക്കുകൾ ഉണ്ട് അടുത്ത പാർട്ട് ഒരു 15 ദിവസത്തിനകം തരാൻ ശ്രമിക്കാം , എന്തയാലും അധികം വൈകിപ്പിക്കില്ല . ദയവായി ക്ഷമയോടെ കാത്തിരിക്കുക 🙏 . കഥ ഇഷ്ടമായെങ്കിൽ നിങ്ങളുടെ വിലപ്പെട്ട അഭിപ്രായം ഒരു വരിയിലെങ്കിലും അക്ഷരങ്ങളിലൂടെ കുറിക്കുക✍️ , ലൈക്കായി മുകളിലുളള ❤️ ഒന്ന് ചുവപ്പിക്കുക . നന്ദിയോടെ 🙏…….

 

 

സ്നേഹത്തോടെ ….,

 

 

👼VICHU [ ചെകുത്താനെ സ്നേഹിച്ച മാലാഖ ]👼