💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

അൽപ്പ സമയം കഴിഞ്ഞതും .

” അജൂ ബാഗവിടെ വച്ചിട്ട് …. വാ …. ”

യദു പുറത്തേയ്ക്ക് വന്ന് വിളിച്ചതും ഞാൻ ബാഗ് ബുള്ളറ്റിന്റെ പുറത്ത് വച്ച ശേഷം വീടിനകത്തേയ്ക്ക് കയറി ….

ഒരു നാൽപത് നാൽപ്പത്തഞ്ച് വയസ്സ് തോന്നിക്കുന്ന ദമ്പതികളാണ് ആ വീടിന്റെ ഉടമസ്ഥർ . എന്നെ കണ്ടതും അവർ ഒന്ന് പുഞ്ചിരിച്ചു മറുപടിയായി ഞാനും .

” അർജുൻ അല്ലേ ? ”

ആ ആന്റി എന്നോട് ചോദിച്ചു .

” അതെ …. ”

” യദുവിന്റെ പഴയ കൂട്ടുകാരനാ അല്ലേ , യദു പറഞ്ഞു …. ഇപ്പൊ എന്താ കോളേജ് മാറാൻ കാരണം …. ? ”

ആ അങ്കിളാണ് ചോദിച്ചത് . ഞാൻ യദുവിന്റെ മുഖത്തേയ്ക്ക് നോക്കി , അവൻ ആകെ വിളറിയ അവസ്ഥയിൽ നിൽക്കുവാണ് ….

” അത് , അങ്കിളെ …. ”

യദു മുറഞ്ഞ വാക്കുകളിൽ പറഞ്ഞ് നിർത്തി ….

” യദു …. ഞാൻ പറയാം …. ”

ഞാൻ നടന്ന കാര്യങ്ങൾ അതുപോലെ അങ്കിളിനോടും ആന്റിയോടും പറഞ്ഞു .

” താൻ ആള് കൊള്ളാമല്ലോ ടോ . എന്തായാലും അവനത് കിട്ടേണ്ടത് തന്നെയാ , പഠിക്കാൻ വരുന്ന പാവപ്പെട്ട പിള്ളേരെ റാഗിങ്ങെന്നും പറഞ്ഞ് എന്ത് തോന്നിവാസവും കാട്ടാമെന്നാ അവന്റെയൊക്കെ വിജാരം . ആ … അതൊക്കെ പോട്ടെ .. നാട്ടിൽ മോന്റെ വീട് എവിടെയാ , വീട്ടിൽ ആരൊക്കെയുണ്ട് …. ”