💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

” ഓ …. അവന്റെ ഒരു നാണം ….. മ് വരച്ച് തരാം . ഇപ്പൊ അല്ല പിന്നെ . ”

” മതി . നീ സാവധാനം സമയമെടുത്ത് വരച്ച് തന്നാൽ മതി ….. പിന്നെ നീ വണ്ടി കൊണ്ട് വന്നിട്ടുണ്ടെന്ന് വന്നപ്പൊ പറഞ്ഞു , നിനക്കതിന് ബൈക്കില്ലല്ലോ ? … ”

യദു ആകാംഷയോടെ ചോദിച്ചു .

” എനിക്കില്ല , പക്ഷെ ഫാദറിന്റെ ബുള്ളറ്റ് ഞാനിങ്ങ് പൊക്കി …. അതവിടെ ഇരുന്നാൽ തുരുമ്പെടുത്ത് നശിക്കും അതുകൊണ്ട് എന്നോട് കൂടെ കൊണ്ട് പോകാൻ ഫാദറ് പറഞ്ഞു …. ”

” ഇതുപോലൊരു ഫാദറ് . എന്തിനും ഏതിനും നിനക്ക് ഫുൾ സപ്പോർട്ടല്ലേ പുള്ളി … അതൊക്കെ പോട്ടെ ഫാദർ ബെനഡിക് എന്ത് പറയുന്നു …. ”

യദു കൗതുകത്തോടെ ചോദിച്ചു …

” എന്ത് പറയാൻ സ്ഥിരം പല്ലവി തന്നെ …. നല്ലതുപോലെ പഠിക്കണം . പ്രശ്നങ്ങളൊന്നും ഉണ്ടാക്കരുത് . നിന്റെ ഭാവി നിന്റെ കയ്യിലാണ് എന്നൊക്കെ തന്നെ …. ”

ഞാൻ ഒരു പുഞ്ചിരിയോടെ മറുപടി പറഞ്ഞു …

സമയം അങ്ങനെ കടന്നുപോയി …. രണ്ട് മൂന്ന് വട്ടം മനസ്സിലുണ്ടായ എന്തോ ഒരു തോന്നലിൽ ഞാൻ തൊട്ടപ്പുറത്തെ ബഞ്ചിലേയ്ക്ക് നോക്കി …. ചില സമയം ബോർഡിലോ അല്ലെങ്കിൽ പഠിപ്പിക്കുന്ന മിസ്സിനെയോ ശ്രദ്ധിച്ചിരിക്കുകയായിരിക്കും കക്ഷി , ഇപ്പൊ മുഖത്തെ ദേഷ്യഭാവത്തിന് ചെറിയ മാറ്റം വന്നിട്ടുണ്ട് . സത്യത്തിൽ അവളുടെ മുഖത്തേയ്ക്ക് തന്നെ നോക്കി ഇരിക്കാൻ ആരോ ഉള്ളിലിരുന്ന് പറയുന്ന പോലെ ….