💘 അരികത്തായാരോ – 2 💘 വിച്ചു [ ചെകുത്താനെ സ്നേഹിച്ച മാലാഖ ] 880

അവൻ പറഞ്ഞത് കേട്ടതും ഞാൻ തിരിഞ്ഞ് അവളുടെ ബെഞ്ചിലേയ്ക്ക് നോക്കി . പക്ഷെ കക്ഷി വേറെ എങ്ങോട്ടോ നോക്കി ഇരിക്കുവാണ് .

ക്ലാസ്സിലെ അടുത്ത പീരീഡുകൾ മെല്ലെ ഇഴഞ്ഞ് നീങ്ങി . ബോറായി തോന്നിയ സമയം മുഴുവൻ ഞാൻ ബുക്കെടുത്ത് അതിൽ കുത്തി വരച്ചിരുന്ന് സമയം കളഞ്ഞു …

…………………..

” എടാ …. ഞാൻ നാളെ അവളോട് ഇഷ്ടമാണെന്ന് പറഞ്ഞാലോ എന്ന് ആലോചിക്കുവാ ….. ? ”

ഉറങ്ങാനായി ബഡ്ഡിൽ കിടന്ന ഞാൻ തൊട്ടടുത്ത് കിടക്കുന്ന യദുവിനോട് ചോദിച്ചു …

” എന്തായാലും ഒരടി ഉറപ്പാ നിന്റെ കാര്യമായത് കൊണ്ട് ചിലപ്പൊ അവൾ കൊട്ടേഷൻ കൊടുത്തെന്നും വരും …. ”

കണ്ണടച്ചു കിടന്നു കൊണ്ട് യദു പറഞ്ഞു ….

” ടാ … സീരിയസ്സായി ഒരു കാര്യം പറയുമ്പോ നീ ഒരു മാതിരി തമാശിക്കാൻ നിന്നാലുണ്ടല്ലോ ? ”

ഞാനൽപം ദേഷ്യ സ്വരത്തിൽ പറഞ്ഞു .

” എടാ ഞാൻ വെറുതെ പറഞ്ഞതല്ല . അവൾക്കീ പ്രേമമെന്ന് കേൾക്കുന്നതേ വെറുപ്പാ …. എന്നെ ഇഷ്ടമാണെന്ന് ദേവു പറഞ്ഞപ്പോ ആദ്യമൊക്കെ അഹാന പിൻതിരിപ്പിക്കാൻ കുറേ പ്രാവശ്യം ശ്രമിച്ചിട്ടുണ്ടെന്ന് ദേവു തന്നെ എന്നോട് പറഞ്ഞിട്ടുമുണ്ട് . അഹാന ഇങ്ങനെ പെരുമാറുന്നതിന്റെ കാരണം ദേവുവിനും അറിയില്ല , അങ്ങനെയാ ദേവു എന്നോട് പറഞ്ഞത് . അങ്ങനെയുള്ള അഹാനയോട് നീ പോയി ഐ ലവ് യു പറഞ്ഞാൽ അവൾ നിന്നെ തല്ലുകയല്ലാതെ പിന്നെ എന്താ ചെയ്യുക . ഫസ്റ്റ് ഇയറ് വച്ച് പ്രേമവും പറഞ്ഞ് വന്നവന്മാരെ അവള് ചെകിട് പൊട്ടുന്ന രീതിയിൽ തല്ലുന്നത് ഞാനെന്റെ കണ്ണ് കൊണ്ട് നേരിട്ട് കണ്ടിട്ടുണ്ട് ….. വേണ്ട അജൂ … എന്തിനാ വെറുതെ തല്ല് ചോദിച്ച് വാങ്ങുന്നേ ? ”

യദു ഉടനെ പറഞ്ഞു …